Adega alerta de que a concesión de Naturgy no río Tambre pode durar "até o ano 2101"

A Asociación para a Defensa Ecolóxica de Galiza (Adega) alertou esta sexta feira, 17 de abril, da posíbel "manobra" da Xunta da Galiza para que a empresa Naturgy "continúe explotando" o río Tambre até o ano 2101, sinalou a 'Nós Diario' o seu secretario Fins Eirexas. A Xunta iniciou de oficio o pasado 17 de marzo o procedemento de extinción das tres concesións que Naturgy ten activas no Tambre por "transcurso do prazo concesional". Trátase de tres aproveitamentos hidroeléctricos: Tambre I, Tambre II e Tambre III. Estas centrais hidroeléctricas aproveitan a auga encorada no encoro Barrié de la Maza, construído en 1947. Porén, a concesión estaría vixente até o ano 2031 e 2048 respectivamente. A CIG reclama a reversión ao público das centrais hidroeléctricas caducadas e a súa xestión a través dunha empresa pública de enerxía Para Adega, "resulta insólito que a Xunta, sempre renuente a iniciar expedientes de extinción de concesións hidroeléctricas caducadas, inicie de oficio este trámite con 5 e 22 anos de antelación para dous destes aproveitamentos". Vinculan, por tanto, este procedemento de extinción do contrato anos antes "coa reactivación do procedemento de competencia para a concesión dunha central reversíbel de bombeo na Cornanda, en Brión (comarca de Compostela) que tería como depósito inferior o encoro Barrié de la Maza, que dá servizo ás centrais de Naturgy". Nesta "coincidencia" Adega ve "claras" as intencións da Xunta da Galiza. "O Goberno do Partido Popular non vai prexudicar Naturgy, a política enerxética da Xunta está fixada pola patronal", afirmou Eirexas a este xornal. Deste modo, "trocaríanse tres centrais xa amortizadas e de menor potencia (pouco máis de 60 MW) por unha nova de máis de 300 MW", que "fosilizaría" a súa presenza no Tambre e alongaría a vida do vetusto encoro de Barrié outros "75 anos máis". Con todo, Fins Eirexas destacou que "a balsa de Cornanda incumpre o Plano Estatal de Enerxía e Clima e afecta espazos da Rede Natura, un proxecto que non se debería aprobar. Piden, ademais, "que a Xunta as extinga e obrigue a concesionaria a desmantelar as instalacións existentes". O filme 'Quen contamina A Limia?' busca os responsábeis da contaminación do encoro das Conchas "Nuns días abriranse as plicas das propostas para a central de bombeo e poderemos coñecer os proxectos. Adega alegará, tal e como aconteceu co trámite de 2023, no sentido de denegar calquera novo aproveitamento que poña en risco o cumprimento do Plano hidrolóxico e as Directivas Marco da Auga e de Hábitats", destacaron nun comunicado. Adega alertou, ademais, de que aínda que o 17 de marzo se anunciou no DOG que a documentación do expediente estaría a consulta pública por 20 días, "Augas da Galiza non respondeu á nosa solicitude e non achegou ningunha ligazón para descarga, de maneira que dificulta o acceso á documentación do expediente". Adega denuncia verteduras de augas fecais no río Valiñas e alerta de risco ambiental e sanitario Condicións do sector Varios colectivos e sindicatos como a CIG e a Plataforma para a defensa da ría de Muros-Noia (Plademar) propuxeron que, unha vez extinguida a concesión, a xestión dos tres encoros do río Tambre pase a ser pública. Desde Plademar, Rogelio Santos sinalou a este xornal que se, ao final, a concesión segue a ser privada, "pedimos condicións que inclúan protocolos obrigatorios de desencoro, aviso previo de 24 horas ás confrarías, cumprimento estrito dos caudais ecolóxicos e participación do sector marisqueiro nas comisións de xestión". Máis de 2.500 sinaturas urxen un plan de recuperación do salmón: en ríos como o Eume, Tambre ou Sor xa desapareceu Santos denunciou que "en moitas ocasións", soltouse a auga do embalse de maneira "repentina", sen previo aviso, pondo en "perigo" os mariscadores e o propio marisco. "As propias confrarías e o sector científico fixan que os desencoros se deben facer coa marea alta, non baixa". En varias ocasións, a plataforma reclamou que se fagan protocolos para realizar estas tarefas, unha denuncia que chegou incluso até a Valedora do Pobo, pero "sen solucións". Santos destacou, ademais, que piden "parte dos ingresos repercutan en persoas da contorna e do sector marisqueiro, porque as empresas sacan beneficios enerxéticos e económicos deste ben común sen repercutir no territorio". Exixen, ademais, o coidado da ría, que "vai ser bo para todos", porque as "empresas poden usar os recursos sen espolialos, dentro dunhas normas". A cría de porco celta, en perigo polos baixos prezos e "excesivas" medidas de control Con todo, desde Adega non consideran como a mellor opción a xestión pública destes espazos. " A reconversión a dominio público de espazos privados é unha boa opción pero non neste caso. Falamos dun dos encoros máis vellos e agresivos, perto da desembocadura do Tambre e con grave impacto na ría de Noia. Ese encoro non debería ser o exemplo de reversión ao dominio público, debería desmantelarse a cargo das concesionarias de Fenosa".