O Deportivo relanza a súa candidatura ao ascenso como mellor visitante da Liga

Os de Hidalgo lograron esta fin de semana unha importante vitoria agónica fronte a Real Sociedad B, en Zubieta. Un partido marcado polas remontadas constantes; primeiro o equipo vasco remontou a vantaxe inicial do Deportivo, e ao final do partido foi o conxunto coruñés quen lle deu a torna ao encontro. Con esta vitoria, o Deportivo sitúase a un punto de acadar o obxectivo dos 50 puntos, que en Segunda normalmente asegura a permanencia, un fito que aínda que agora parece moi pobre para o conxunto de Hidalgo, ao comezo da tempada era importante lograr, xa que a Liga Hypermotion é unha das competicións máis disputadas das grandes ligas europeas, e ningún equipo pode confiarse. Ademais, chega aos 27 puntos como visitante que o reafirman no primeiro posto desta clasificación, con oito vitorias, tres empates e catro derrotas. Algo que contrasta moito cos números en Riazor, onde tan só conseguiu 22 puntos de 39, números moi pobres como local. O Deportivo vence 2-3 á Real Sociedade B nun encontro difícil para os galegos Na clasificación de visitantes é importante subliñar que contan cun partido menos que os seus principais rivais, como poden ser o Racing, As Palmas ou o Castelló. Pero, malia isto teñen tres ou máis puntos de diferenza con respecto a eles, é dicir, que unha vitoria dos seus perseguidores non lle quitaría o liderado. Os seguintes obxectivos Tras a vitoria en Zubieta, o Deportivo xa pode permitirse mirar aos postos altos da clasificación e centrarse no ascenso directo que parecía tan complicado ao principio da tempada. O conxunto de Hidalgo ten por diante 14 xornadas decisivas para os seus intereses. Cun total de 49 puntos xa logrou 21 puntos máis que o ano pasado a estas alturas. Ademais os únicos equipos que lograron chegar a estes puntos na xornada 28 foron o Elche, o Oviedo e o Racing; os dous primeiros lograron o ascenso, e o Racing caeu en play offs. Unha imaxe que este ano non é igual, xa que á parte do Deportivo, hai outros tres equipos, Racing, Catelló e Almería, que lograron alcanzar estes números. Ademais, tomando como exemplo o sucedido o ano pasado, un dos ascendidos directamente, como é o Levante, non lograra a estas alturas os números do equipo coruñés, e aínda así conseguiu rematar segundo. Polo tanto, vemos a confirmación de que é unha liga moi competida e igualada que non se decide até as últimas xornadas. O Dépor mantense igualado cos seus rivais pola segunda praza e a catro puntos do líder. Con 42 puntos en xogo aínda é difícil facer predicións, pero o que xa parece seguro é que o equipo coruñés vai pelexar o ascenso até a última xornada. O Deportivo precisa de calculadora para afrontar o ascenso a Primeira División Afección e Hidalgo, unha relación de contrastes O adestrador do conxunto branquiazul criticou a semana pasada o ambiente dos seareiros tras o partido do Eibar sinalando que "parecía que perderan", unhas declaracións críticas coa afección que deixaron unha certa tensión antes do partido ante a Real Sociedad B. Co comezo do partido e o gol temperán do conxunto coruñés, o clima parecía máis afábel co adestrador, pero coa remontada do equipo guipuscoano, as tensións volveron facerse evidentes. Os seareiros desprazados a Zubieta comenzaron a cantar "Hidalgo vaite xa", e reflectiron os síntomas dunha relación que parecía quebrar por momentos. Esta situación persistiu até a entrada da promesa do filial Bil Nsongo, o cal revolucionou o partido e conseguiu que o Deportivo abandonara Euskadi con tres puntos máis. Tras a remontada do camerunés, o ambiente volveu transformarse e os mesmos que pedían o cese de Hidalgo, aclamábano pedindo que "quedara", cánticos que tiñan até certo ton irónico. O técnico catalán non terminou de todo satisfeito, malia o cambio de opinión da afección e mostrouse serio en rolda de prensa e orgulloso de estar "no mellor club de España", en resposta ao cánticos. Hidalgo, sobre o "pesimismo" tras gañar ao Eibar: "Parecía que perderamos"