Comezan os Xogos Olímpicos de inverno coa maior presenza feminina en Milán-Cortina

Os Xogos Olímpicos de Inverno de Milán-Cortina de 2026 comezarán hoxe coa Cerimonia de Apertura no estadio de San Siro e rematarán o 22 de febreiro coa celebración da Cerimonia de Clausura. É a terceira vez que Italia acolle esta competición, tras os Xogos de Cortina d'Ampezzo en 1956 e Turín en 2006. A edición de este ano será a que maior participación feminina teña, cun 47%, logrando por primeira vez na historia olímpica, case unha igualdade máxima entre homes e mulleres. Estes Xogos contarán por primeira vez cunha Cerimonia de Apertura en varias sedes, aínda que o centro da gala será o Estadio de San Siro. Esta celebración terá como protagonistas un grande elenco de artistas, tanto italianos como internacionais. Algúns dos nomes confirmados son Mariah Carey, Laura Pausini, Lang Lang, Andrea Bocelli e Cecilia Bartolli, entre outros. Na produción do espectáculo participaron máis de 1.700 persoas, entre artistas e persoas voluntarias, procedentes de 27 países, así como un gran número de músicos encargados de compor bandas sonoras orixinais; e 70 estilistas traballando nos deseños dos traxes. Marie Kaldvee, de Estonia, na proba de curling dos Xogos Olímpicos de Inverno, de onte. (Foto: Europa Press) Rodrigo Conde: "Estou centrado en adestrar para os Xogos dos Ánxeles" As principais cifras desta nova edición Estes Xogos Olímpicos acollerán oito deportes e 16 disciplinas, das que destaca o esquí de montaña, que entrará por primeira vez no programa olímpico. Ao largo dos 19 días que duran os Xogos disputaranse un total de 116 probas, nas que se espera unha participación de 92 Comités Olímpicos distintos, que enviarán ao redor de 3.000 atletas. No programa haberá oito probas que debutan nos Xogos Olímpicos: as modalidades masculina e feminina de sprint en esquí de montaña, as remudas mixtas desta mesma disciplina, o skeleton por equipos mixtos, os dobres femininos de luge, os moguls dobres masculinos e feminino en esquí acrobático e mais o trampolín longo feminino en salto de esquí. Ademais, por primeira vez desde Sochi 2014, en Rusia, os xogadores da Liga Nacional de Hóckey (NHL) estadounidense participarán nos Xogos. O Liceo pode hoxe volver erguer a liga de hockey tras 20 anos de seca As sedes olímpicas As sedes principais deste ano serán Milán e Cortina d'Ampezzo, pero as competicións olímpicas decorrerán nun total de 13 localidades distintas. Estas cidades mesturan instalacións modernas con recintos cheos de historia olímpica. Entre todas as sedes destacan Antholz-Anterselva Biathlon Arena para as probas de biatlón; o Cortina Curling Olympic Stadium, que acollerá as competicións de curling, e o Cortina Sliding Centre, onde se disputarán as probas de bobsleigh, luge e skeleton. A localidade de Livigno será unha das protagonistas co Aerials & Moguls Park e o Snow Park, dedicados ao esquí acrobático e ao snowboard. Milán, ao ser unha das sedes principais, acollerá gran parte das competicións de xeo desta cita. O Milano Ice Skating Arena para a patinaxe artística e o short track, o Milano Speed Skating Stadium para a patinaxe de velocidade e dous pavillóns, Santagiulia e Rho, destinados ao hóckey sobre xeo. O mapa de centros deportivos completase co Predazzo Ski Jumping Stadium, o Stelvio Ski Centre, o Tesero Cross-Country Skiing Stadium e o Tofane Alpine Skiing Centre, que acollerán disciplinas como o esquí alpino, o esquí de fondo, a combinada nórdica e a nova disciplina, o esquí de montaña, nunha edición que abrangue todo o norte de Italia. A Cerimonia de Apertura terá lugar en San Siro como sede principal, malia celebrarse por primeira vez en distintas sedes, e a Cerimonia de Clausura terá lugar na Arena de Verona, o famoso anfiteatro romano. Antía Jácome: "Non todas as deportistas poden dicir que van participar nuns Xogos Olímpicos" Felix Losch, de Alemaña, na proba de bobsleigh dos Xogos Olímpicos de Inverno, onte. (Foto: Europa Press) Os principais nomes a seguir nestes Xogos Nestes Xogos Olímpicos os e as atletas competirán por 116 probas con medalla, polo que se entregarán un total de 348 metais, 21 máis que hai catro anos, en Beijing (China). Tradicionalmente, estas competicións contan con menos representación de países que os Xogos de verán. Por iso, no século XXI tan só seis países estiveron nos tres primeiros postos do medalleiro —Noruega, Estados Unidos, Rusia, Austria, Alemaña e Canadá—, con moi pouca variación con respecto aos Xogos Olímpicos de verán. O país escandinavo adoita lograr unha media dunha ducia de medallas, e son favoritas nos deportes de esquí. Os seus principais éxitos en edicións pasadas foron nas probas de biatlón, esquí de fondo e combinada nórdica. Para este ano, coas lesións dos irmáns Bø e Olsbu Røiseland, o Comité nórdico terá difícil lograr un bo resultado en biatlón. En canto ao esquí de fondo, no masculino Klæbo é un dos principais candidatos a obter medalla, e no feminino a prometedora Heidi Weng tamén ten opcións de subir ao podio, aínda que o ouro vai estar moi igualado coas atletas alemás. Gómez Noya, bronce no Mundial de Tríatlon Alemaña, ademais da medalla en esquí de fondo feminino, ten grandes opcións de lograr medallas en luge e bobsleigh. Mesmo ten opcións de romper, ou polo menos achegarse, ao récord de medallas logrado en Pyeongchang e volver de Italia con, máis ou menos, 13 ouros. En canto ao hóckey, Canadá é a principal favorita coa participación dos xogadores da NHL. Unhas expectativas que tamén teñen nas competicións de curling. O conxunto canadense é candidato a levar entre sete e oito medallas de ouro. Malia isto, non é a principal favorita para acabar no terceiro posto da clasificación de medallas. Gómez Noya avisa co seu triunfo en París que vai polo ouro nas Olimpiadas de Londres A principal candidata para ese posto é Estados Unidos, o país máis sólido nas últimas décadas. Malia non conseguir moitas medallas de ouro, sempre logra meterse no podio na gran maioría de disciplinas. Para estes Xogos as persoas expertas vaticinan nove medallas de ouro, coas cales superaría o resultado da súa veciña Canadá. Unhas previsións que esperan un primeiro posto compartido, cun empate a 13 medallas, entre Noruega e Alemaña, aínda que Noruega sería a primeira clasificada debido a un maior número de medallas de prata. No terceiro posto estaría Estados Unidos, con nove. O resto da clasificación estaría marcada polos países máis dominantes nas últimas edicións, como Austria e Canadá, e países sorprendentes como Corea do Sur ou a propia anfitrioa Italia. Susana Rodríguez Gacio, sete veces campioa do mundo: "O segredo para render a un gran nivel é gozar co que fas e ter un bo equipo" Un atleta de snowboard na proba dos Xogos Olímpicos de Inverno, onte. (Foto: Olympics) O facho olímpico chega a Milán Os Xogos Olímpicos de inverno de Milán-Cortina comezarán hoxe, e como estaba previsto o facho olímpico chegou onte á cidade internacional da moda. En total, máis de 10.000 personalidades, entre celebridades, deportistas e artistas, portaron o facho durante dous meses desde o monte Olimpo de Grecia, facendo perto de 12.000 quilómetros en total. Por primeira vez na historia farase un aceso simultáneo nas sedes principais, Milán e Cortina d'Ampezzo.