O 'avó' agarda en Chavín

Din os expertos que 'O Avó', ese eucalipto impoñente que manda no Souto da Retorta, corre o risco de desaparecer do catálogo de Árbores Senlleiras da Galiza. Quizais este verán sexa a última oportunidade de darlle unha visita contando co galardón. E ao paso coñécese Viveiro e, incluso, un pouco máis da Mariña.

'O Avó de Chavín' está enfermo. Iso non se lle escapa nin aos estudosos nin á xente que se achega até o souto para tomarse unha fotografía co grande eucalipto. Nótese secura nalgunhas das súas ramas e hai tempo que as imaxes son a distancia. Se antes todo eran mimos para un dos máis vello do monte, agora os abrazos teñen que ser imaxinarios.

Parte da culpa parece ser precisamente das e dos visitantes, que non deixaban respirar axeitadamente as raíces ao pisar a terra arredor e compactala.

Todo o mundo terá visto posados de persoas abrazando o enorme tronco que mantén en pé a esta árbore centenaria pero hai tempo que se colocou un balado e se prohibiu expresamente achegarse para evitar que a enfermidade deteriore máis a este famoso habitante de Viveiro.

Malia todo, o paseo polo souto segue a pagar a pena. Tanto o protagonista como o escenario que o rodean dan un respiro nas axitadas vidas cotiás.

Porén, como padece unha enfermidade os expertos din que xa non cumpre os estándares que o levaron ao catálogo e que é preciso que a Xunta lle retire a credencial. Por si isto sucede apura para botar un 'selfie' coa árbore galardoada.

Si pensas que Viveiro non queda de paso pero gústache o plan podes descubrir outros tesouros desa listaxe oficial.