Ruta dos Cerqueiros nas Fragas do Eume

O Parque Natural das Fragas do Eume aséntase en territorio dos concellos de Pontedeume, Cabanas, A Capela, Monfero e As Pontes, no val do Eume e algúns dos seus afluentes. Unha área que dá para moitas visitas e camiñadas en distintos lugares e diferentes épocas do ano. Sempre podemos gozar de paisaxes espectaculares, dunha enorme diversidade de flora e fauna e das cores cambiantes. Podemos acceder por algunha das rutas sinalizadas ou simplemente camiñar por carreiros e pistas, perdéndonos e gozando da natureza e do exercicio físico.