Sada acollerá do 3 ao 6 de agosto o XVI Encontro de Embarcacións Tradicionais de Galiza
07 de maio de 2023 (19:17 h.)
A xunta directiva da Federación Galega de Cultura Marítima e Fluvial (Culturmar) organizará o XVI Encontro de Embarcacións Tradicionais no porto de Sada (A Coruña) que terá lugar entre os días 3 e 6 de agosto. En colaboración con Portos de Galiza, Culturmar levará a cabo este evento co obxectivo de promover a defensa do patrimonio marítimo material e inmaterial.