A banca do Estado español é a máis vulnerábel aos riscos xeopolíticos de toda a UE
12 de decembro de 2023 (20:13 h.)
A banca do Estado español foi a que peor ratio de capital rexistrou de toda a Unión Europea (UE) por segunda vez consecutiva no exercicio anual de transparencia que elabora a Autoridade Bancaria Europea (EBA) e que estuda a solvencia das entidades, o que sitúa o sector financeiro estatal como o máis vulnerábel da UE aos riscos xeopolíticos. Banco Santander foi a que obtivo o peor dato entre as dez entidades do Estado español examinadas neste estudo.