GALERÍA | Así decorreron os fechamentos do profesorado nos centros de ensino

O paro laboral de 48 horas, convocado -pola CIG co consenso do STEG- por primeira vez desde os anos 80 no ensino público, contou a pasada noite con outra acción reivindicativa que tamén había moito tempo que non se daba neste ámbito. Un grupo formado por máis de 100 docentes fechouse contra a media tarde desta terza feira en seis centros educativos na Coruña, Lugo, Ourense, Pontevedra, Ferrol e Moaña (O Morrazo) e convocou os medios de comunicación como medida de visibilización do conflito que sosteñen este curso contra a Consellaría de Educación, á que reclaman unha negociación inmediata de melloras reais tanto no ámbito laboral como do ensino público en xeral.