Xosé Regueira

Os proxectos de sustentabilidade turística, ‘Os Fogóns do Anllóns’ e ‘Fragas do Eume’, consolídanse na súa busca dun turismo máis comprometido co respecto polo territorio e o coidado do medio ambiente mentres miran cara á creación de emprego no rural e a promoción das profesións do sector primario.

A Feira Internacional de Turismo de Madrid (Fitur) acollerá os Plans de sustentabilidade turística en destino de Os Fogóns do Anllóns e das Fragas do Eume. Xosé Regueira, vicepresidente da Deputación da Coruña e responsábel da área de Turismo, será quen encabece a presentación de ambas as iniciativas.

Os actos oficiais impulsados pola Deputación da Coruña na Feira Internacional de Turismo (Fitur) nesta semana teñen dous protagonistas indiscutíbeis: por unha parte o proxecto Os Fogóns do Anllóns, nucleado ao redor deste río, e por outra o patrimonio natural e paisaxístico das Fragas do Eume.