Xosé Luís Méndez Ferrín

Lindsay Semel (Nova York, 1991) é a autora gañadora da IV edición da Residencia Xacobeo. Así, será a encargada de traducir ao inglés a novela No ventre do silencio, de Xosé Luís Méndez Ferrín. 

Se o verdadeiro sentido da vida é cruzar fronteiras, Xosé Luis Méndez Ferrín (Ourense, 1938) xa leva cruzado unhas poucas aos seus 85 anos, despois dunha vida como profesor de instituto, arraiano a tempo completo e escritor a tempo parcial. Disque agora só escribe artigos para manterse en forma. Pero Ferrín segue sendo un dos referentes indiscutibles da literatura galega contemporánea. Coas súas obras foi sempre na espeteira, abrindo camiños polos que transitaron as novas xeracións de autores e autoras do país, por iso é o 'Xefe Arraiano'.

Ángeles Huerta estrea esta quinta feira O corpo aberto, unha adaptación do relato de Xosé Luis Méndez Ferrín "Lobosandaus" (do libro Arraianos) que se desenvolve nas fronteiras, nos límites. O límite entre a Galiza e Portugal, mais tamén entre os que definen a nosa identidade: os lingüísticos, os de xénero, os que separan o corpo e a mente e mesmo os que separan a vida e a morte. 

A película proxectarase esta sexta feira no Culturgal e chegará aos cinemas o 9 de decembro.

Ángeles Huerta (Gijón, 1974) estreaba 'O corpo aberto' o pasado mes no MotelX de Lisboa. Tras pasar polo Festival de Ourense, proxectouse o pasado 23 de outubro na Seminci de Valladolid. Axiña chegarán máis datas, se ben a estrea en cinemas está prevista para decembro. Mentres agardamos, descubrimos coa cineasta a cerna dun filme absolutamente sensorial que ten como protagonista a Raia, o concepto de límite e a súa volatilidade.

Formada en Historia da Arte, Beatriz Legerén (Vigo, 1964) é profesora na Universidade de Vigo, en Comunicación Audiovisual, onde imparte materias relacionadas co deseño e desenvolvemento de proxectos interactivos, produtos transmedia e videoxogos. O seu interese por este último mundo é, porén, anterior: durante vinte anos participou de Pixel Graphics, un proxecto á beira de Interacción, a primeira empresa galega en lanzar un videoxogo: 'O templo' (2003), ambientado no mundo celta.

O xogo está inspirado no cuarto capítulo da novela 'Arnoia, Arnoia'.

Logo de Esquece Monelos, a súa primeira longametraxe estreada no 2017, Ángeles Huerta está a rodar O corpo aberto, o seu novo filme de ficción. Baseada nun relato da obra Arraianos, de Xosé Luís Méndez Ferrín, a historia desenvólvese na rexión do Xurés-Gêres, nesa 'raia' entre a Galiza e Portugal.

Esta localización é outra protagonista máis no filme O corpo aberto de Ángeles Huerta, para o que contou cun elenco de actrices e actores da Galiza e Portugal. A cinta está producida pola galega Ollovivo, a catalá Fasten Films e a portuguesa Cinemate.

Dioivo vén de sacar un novo tema, onde poñen música ao Retorno a Tagen Ata de Méndez Ferrín, obra que vén de cumprir 50 anos, e o propio autor colabora no tema facendo as narracións.

A novela Os corvos, a figueira e a fouce de ouro, así como a posesión doutro material, custáronlle ao autor ser detido, xulgado e encarcerado, durante case dous anos, por un suposto delito de propaganda ilegal.

Ao coidado do propio autor para Edicións Xerais