Xosé Henrique Costas

Ao sur da liberdade é a primeira incursión do catedrático de Filoloxía Galega Xosé-Henrique Costas na ficción. A vida do caudillo muladí Muhammad ibn Marwán Al-Galiqí, alcumado 'O Galego', dá pé a un relato que, en forma de novela, debuxa un panorama do medievo peninsular que desafía os tópicos da historiografía. Hoxe presénta o volume na Libraría Librouro de Vigo.

Henrique Costas (Vigo, 1962) é catedrático de Filoloxía Galega da Universidade de Vigo. Ten publicado máis de 80 libros e artigos científicos. Especializado en sociolingüística das linguas minorizadas, en 1991 chegou ao val do Xálima, coñeceu a Domingo Frades e namorou das variedades lingüísticas desa zona. Investigou sobre o valverdeiro, lagarteiro e mañego e publicou 20 artigos especializados,15 capítulos de libros e 3 libros sobre a fala.

O catedrático galego é autor dun libro, publicado pola Universidade de Vigo, no que se advirte da situación crítica desta lingua, “que leva falándose no leste de Bragança desde antes da existencia de Portugal” e cunha cifra actual de falantes de arredor de 4000 persoas.