Vázquez Diéguez

Vicente Vázquez Diéguez é un dos nomes propios das últimas seis décadas da arte. Membro do grupo A Gadaña, introdutor do informalismo na Galiza, impulsor de Estampa Popular Galega, autor de ducias de deseños para diversas iniciativas bibliográficas e culturais, repasa para Sermos Galiza a súa traxectoria artística. Unha traxectoria comezada en Madrid á volta de 1960 e que decorreu parella a un firme compromiso co país e coa cultura galega, desde os tempos de Brais Pinto e do Seminario de Cultura Galega do Club de Amigos da Unesco.