underground

Laiovento vén de publicar Fanzines en Galiza, de Ramón Mariño, un estudo pioneiro sobre a autoedición na Galiza que subliña o potencial político destas publicacións realizadas desde as marxes da cultura. 

Peter Bagge (Peekskill, Nova York, 1957), un dos grandes nomes da banda deseñada alternativa estadounidense, está estes días de xira pola Galiza grazas ás xestións da editorial La Cúpula. En Pontevedra inaugurou o pasado 16 de maio a exposición Todo o mundo é imbécil menos eu. Peter Bagge e o cómic Underground (Pazo de Cultura, até o 17 de xullo), a primeira gran mostra deste debuxante en todo o Estado español, comisariada por Kiko da Silva. Autor de obras como Neat Stuff (Mundo Idiota na Galiza, 1985-1989) ou Odio (1990-1998), pasou esta quinta feira por Compostela e o sábado estará na Coruña (Alita Cómics, 18 horas).