Terbutalina

Despois de varios singles cos que pretendían sacudir o panorama, esta sexta feira, a banda Terbutalina lanza o seu novo álbum, Era cabra. Segundo os de Esteiro (Muros), o novo traballo "reflicte un período que estivo cargado de concentración, creación e gravación" e revélase como "un regreso á orixe tras unha revisión dos seus principios máis esenciais e unha etapa de coñecemento e refortalecemento interno". Ademais, avisan de que Era cabra "vén con sorpresas". Gravado e producido nos estudios A Ponte por Tomás Axeitos e masterizado por Robin Smichtd nos estudios 24-96, a banda segue apostando por fórmulas baseadas na confianza no talento propio e dispostos a reconquistar os pogos perdidos, as horas intempestivas e os quilómetros na estrada. 

No 'Caderno de Verán' entrevistamos o cantante e guitarra de Terbutalina.

Música ao vivo con miles de persoas na Praza da Chousa, un sinfín de actividades e até un espazo para a reflexión sobre o presente e o futuro do rock galego. O Armadiña Rock —que comezou a sexta feira e conclúe este domingo— salda con grande suceso a súa décima edición.

Nen se disolven nen piden perdón polo dano causado. Terbutalina, o grupo de gastropunk de Muros, vén de editar novo disco, 'Ritmo serbio', e preparan unha ofensiva de presentación por toda Galiza. No interior, dicímosche onde podes descarregar de balde o disco.