temporal

A neve complica a circulación en 70 estradas.

Desde esta quinta feira xa está activo en toda a costa o nivel laranxa.

De cara a esta sexta feira prevese que a alerta sexa vermella por vento no mar e ondas que poderán chegar ao oito metros en todo o litoral entre O Barbanza e A Mariña.

A Dirección Xeral de Emerxencias e Interior, a través da central do 112 Galiza, informou da situación aos concellos afectados, ás Deputacións, aos servizos e agrupacións de Protección Civil, e aos clubs náuticos, entre outros.

Malia que a maioría das incidencias non revestiron gravidade, a caída de árbores e pólas nas estradas si provocaron alteracións no tráfico, sobre todo en vías secundarias, aínda que o 112 recibiu múltiples avisos de particulares por árbores que interrompían parcial ou totalmente a circulación en diferentes puntos do país.

A circunstancia que máis está a complicar as operacións na Galiza é o vento, con refachos que xa superan o 170 km/h na estación de Lardeira, en Carballeda de Valdeorras, e os 202 km/h en Penedo do Galo, en Viveiro.

A borrasca Karlotta, que afecta Galiza desde a madrugada desta quinta feira, provocou varias incidencias no tráfico aéreo nos aeroportos da Coruña e Santiago de Compostela. En concreto, segundo informaron fontes de Aena citadas pola axencia Europa Press, no caso de Alvedro esta mañá non puideron aterrar dous voos procedentes de Madrid e que, por mor do vento, tiveron que regresar á súa orixe. Do mesmo modo, o vento tamén impediu que aterrase en Santiago de Compostela unha aeronave procedente de Bilbao, que foi desviada tamén a Madrid. O aeroporto de Vigo, polo de agora, opera con normalidade.

Malia que a incidencia xa se resolveu, algúns trens circulan aínda polo eixo atlántico con atrasos de até 50 minutos.

Ante os fortes ventos e a choiva que se espera, recoméndase circular con precaución e informarse antes do estado das estradas, evitar pasar perto de árbores, paneis publicitarios, estadas e obxectos que poidan caerse polo vento, entre outras precaucións.

É a 11ª borrasca atlántica de grande impacto da tempada

O litoral da Costa da Morte estará este domingo en alerta amarela por temporal costeiro con ventos do sur, entre Fisterra e Cabo Vilán de forza sete. Meteogalicia activou a alerta desde as 9 até as 21 horas deste 28 de xaneiro. Durante esa xornada Galiza estará nunha situación intermedia entre as altas presións que se move cara ao leste da Península e unha baixa centrada ao oeste de Portugal. Por iso, os ceos terán nubes de tipo medio e alto, máis compactas durante a mañá na metade oeste. As temperaturas mínimas non sufrirán cambios, pero as máximas rexistrarán un lixeiro descenso. Vigo, con 23,4 graos anotou este sábado a temperatura máxima da Galiza. Abegondo, A Coruña, Boiro e Meaño, nas comarcas da Coruña, A Barbanza e Pontevedra, superaron os 22 graos.

Segundo a Axencia Estatal de Meteoroloxía (Aemet), o fenómeno meteorolóxico adverso estará activo desde primeiras horas da mañá no noroeste e oeste do litoral do noroeste e na Mariña.

Durante a xornada do domingo haberá unha situación intermedia entre o anticiclón situado no centro peninsular e unha profunda borrasca ao oeste de Irlanda, que deixará ventos do suroeste.

Nas últimas horas rexistráronse choivas de até 25 litros por metro cadrado en Santiago de Compostela e 21,2 litros na Serra do Faro, entre Rodeiro (Deza) e Chantada (comarca homónima).

A Dirección Xeral de Emerxencias e Interior da Vicepresidencia Primeira da Xunta da Galiza activou a alerta laranxa para esta cuarta feira por temporal costeiro nas zonas litorais do oeste do país. Por este motivo, e co fin de garantir a seguridade dos bens e das persoas, Emerxencias, a través do 112 Galiza, informou da situación aos Concellos afectados, ás Deputacións, aos servizos e agrupacións de voluntarios de Protección Civil e aos clubs náuticos, entre outros. Ante esta situación, a Xunta lembra a importancia de manterse afastado da liña de costa: diques, rompentes e paseos marítimos. Tamén de extremar as medidas de seguridade á hora de realizar calquera actividade no mar.

Meteogaliza activou un aviso laranxa por vento do sur forza oito no litoral noroeste -especialmente na Costa da Morte- e nas Rías Baixas.

A borrasca deixou algunhas incidencias, fundamentalmente caídas de árbores en estradas secundarias e algún desprendemento de fachadas de edificios, aínda que ningunha de consideración.

Segundo explica Meteogaliza, ao longo destas xornadas continuará esta situación inestábel debido a unha borrasca situada sobre Inglaterra.

Os ventos deixáronse notar en diversos puntos como no municipio de Viveiro (A Mariña) -128,4 km/h-, no municipio de Arteixo (Coruña) -109,4- e no municipio de Bueu (O Morrazo) -105,7 km/h-.

Tamén estará en amarelo por temporal costeiro todo o litoral galego e por vento en terra que soprarán desde o suroeste, con refachos de até 80 quilómetros por hora no noroeste galego e a comarca da Mariña.