Suso de Toro

O xornal que esta terza feira terá nas súas mans achégalle o relato 'Unha homenaxe póstuma', de Suso de Toro (Santiago de Compostela, 1956), escritor e colaborador habitual na sección de opinión de 'Nós Diario'. De Toro participa con este relato ilustrado na colección 'Relatan... Nós', que celebra os dez anos de existencia de 'Sermos Galiza'.  Nesta conversa reflexiona sobre a proposta e a figura das persoas que se dedican á literatura creando obras.

As súas obras, 'Un señor elegante', O libro da filla' e 'Virtudes (e misterios)', competirán dentro da sección de lingua galega.

Os Baltar eran como un cesto de cereixas. Tiras dunha e venche outra, e outra e outra máis. Así explica Pepe Barro, comisario da exposición Deber de Baltar, a relevancia, debido ao seu compromiso político, cultural e social, desta familia de médicos cuxa memoria recuperou Suso de Toro na novela Un señor elegante. O Colexio de Fonseca acolle até mediados de abril unha mostra na que pode seguirse o periplo durante un século de historia da Galiza desta saga coa que, di Barro, pode pintarse un fresco no que enseguida aparecen unha morea de persoeiros da política e da cultura do país. 

Unha exposición lembra os máis de cen anos dunha saga que o escritor Suso de Toro describiu na súa novela 'Un señor elegante'.

En 1972 cinco rapaces e una rapaza fixemos un grupo para integrármonos no Padroado Rosalía de Castro como "organización universitaria do Padroado", aínda que ninguén de nós estaba aínda na universidade, o máis vello tiña dezasete anos. A idea era aproveitar a cobertura legal que nos ofrecía o Padroado para organizar conferencias e outras actividades, cousa que fixemos durante un ano ben aproveitado até que, pola miña parte, decidín que aquel non era un lugar para min e que os tempos chamaban por outros camiños máis enérxicos. A miña diferenza particular co Padroado entón foi política e xa a contei hai anos nun libro de conversas, así que non me estendo, arestora sigo a pensar que fixen ben.

A memoria volve atravesar a escrita de Suso de Toro. Se en Sete palabras indagaba na historia da súa propia familia e en Home sen nome esculcaba a memoria dos verdugos, na súa nova novela, Un señor elegante (Xerais), reconstrúe a traxectoria da familia Baltar, unha estirpe burguesa, republicana e galeguista. A lectura deste libro, como a dos seus artigos, permite comprender mellor o presente a través da súa conexión co pasado. Ao apuntar, unha vez máis, ás continuidades do proxecto franquista nun Estado que reprime militarmente a disidencia política.