A versión actualizada do aznarismo gaña o congreso do Partido Popular. Pablo Casado, deputado nas Cortes, impúxose a Soraya Sáenz de Santamaría, ex vicepresidenta e tamén parlamentaria, cun discurso de dereita dura e que reivindica a figura de José María Aznar. Quen, por certo, non foi convidado ao cónclave popular.
O mesmo día en que Feixóo tildou de falta de respecto aos delegados usar a "preeminencia" dos cargos para influír no congreso, o presidente da organización provincial da Coruña, Diego Calvo, utilizou twitter para respaldar a opción de Pablo Casado.
Casado pode agardar sentado: Feixóo non vai pedir o voto para el, salvo xiradela de guión de última hora. Visto como está o taboleiro do PPdeG —con destacados dirixentes a se posicionar a prol de Soraya— o líder conservador galego opta por manter a neutralidade aparente. E di algo máis: sería unha falta de "respecto" utilizar a súa posición "preeminente" para condicionar o sentido de voto dos e das delegadas do PPdeG ao congreso.
Non haberá un voto galego homoxéneo no Congreso que marcará o inicio da era post-Raxoi no PP. Así o veu informando Sermos estes días e así o acaba de confirmar o líder do partido nas comarcas ourensás, Manuel Baltar, quen vén de anunciar o seu apoio a Soraya. Santamaría foi a candidata máis votada nos territorios baltarianos o pasado 5X.
O PPdeG está fraccionado en vésperas do congreso que elixirá a ou o sucesor de Raxoi, tal e como informou Sermos Galiza. Mais a doutrina oficial continúa a ser a mesma: a de que as e os delegados do partido na Galiza votarán en bloque. A preferencia do aparato de Monte Pío é nidia: Pablo Casado.
O proceso de renovación do PP estase a converter nun calvario para Alberto Núñez Feixóo após ser apartado primeiramente da carreira sucesoria [renunciou a concorrer ao constatar que non tiña hipóteses de ser coroado líder por aclamación] e derrotado nas primarias ao alzarse coa vitoria estatal Soraya Sáenz de Santamaría e comprobar como Dolores de Cospedal era rexeitada por máis do 60% da militancia galega. Agora atópase co partido dividido na Galiza e con perto das 40% das compromisarias e compromisarios –entre eles líderes partidarios tan significativos como o lugués Xosé Manuel Barreiro ou o ourensán Manuel Baltar— apoiando Soraya.
Co candidato da ala aznarista do partido, Feixóo protagonizará esta cuarta feira un evento —reunión coas delegadas galegas ao Congreso— en Compostela. A quenda do encontro coa ex vicepresidenta do goberno, máis próxima a Raxoi do que a Aznar, será a vindeira segunda feira, en Pontevedra.
As cartas están xa sobre a mesa: Casado rexeita a oferta de integración que lle formulou Santamaría e disponse a asaltar o poder orgánico no PP, na votación decisiva das delegadas ao congreso a se realizar o vindeiro 21X. Ou hai unha mudanza pouco probábel no taboleiro ou as compromisarias do PPdeG apoiarán Casado para evitar a chegada de Soraya á presidencia do partido.
Cospedal gaña as primarias do PP na Galiza, mais no conxunto do estado acaba a carreira en terceira posición. Iso significa que non pasa o corte deste 5X —a votación aberta á militancia— e fica eliminada. O Congreso vano decidir as delegadas e delegados o próximo 21X. Soraya Sáenz de Santamaría gaña o primeiro asalto pola mínima nun duelo apertadísimo con Pablo Casado. O ex vicesecretario de Comunicación podería acabar impóndose no congreso se recebe os apoios do sector cospedalista. O PPdeG podería acabar sendo decisivo na vitoria de Casado.
Apenas 4.222 militantes do PP terán dereito a votar nas primarias do 5 de xullo para elixir o sucesor de Raxoi. Só 4,17 por cento da suposta afiliación do partido na Galiza decidiu inscribirse no censo para participar na primeira rolda do congreso. É unha percentaxe inferior á que se rexista no conxunto do estado, 7,6 por cento de promedio.
A votación da militancia -axendada para o 5 de xullo- só sería decisiva en tres supostos: que a candidatura máis votada supere 50 por cento dos sufraxios, que distancie en no mínimo 15 pontos a segunda máis apoiada ou que se impoña na metade das circunscricións. En calquera outro suposto, a decisión final correspondería ás 2.612 compromisarias que asistirán ao Congreso en Madrid os días 20 e 21 de xullo.
O Congreso de elección do relevo de Raxoi ten dúas voltas. A primeira, o voto da afiliación, axendado para o 5 de xullo. A segunda, o voto das e dos compromisarios, no propio congreso, días 20 e 21. Será nesa segunda volta, cos dados da primeira na man, cando o PPdeG determine a quen apoia para tomar as rendas do partido. Así o precisou Feixóo esta quinta feira nunha entrevista na SER.
Renuncia a dar o paso por “responsabilidade” co seu cargo de presidenta do Congreso.
O director deste diario dixital dedica a última entrega do seu vlogue a analisar as razóns que levaron Feixóo a dar un paso atrás na carreira sucesoria no PP estatal.
A dirección do PPdeG non será neutral no Congreso extraordinario -20 e 21 de xullo, Madrid- en que se elixe o relevo de Raxoi. O día seguinte a se facer a un lado, Feixóo dixo que a organización galega do partido conservador non tomará ningunha decisión até finalizar o prazo para a apresentación das candidaturas, esta cuarta feira ás 14 horas. Será entón cando o PPdeG "meditará ou avaliará" cal sería ao seu xuízo "a mellor opción para o futuro" da formación.
Feixóo non opta á sucesión de Raxoi "movido polo medo aos dossieres que abran novas páxinas do seu álbum de fotos", considera Ana Pontón (BNG). "As fotos con Marcial Dorado nun barco talvez non fosen máis que a ponta do iceberg", apunta Luís Villares (En Marea). Feixóo ficaría na Galiza porque se ve "sen opcións" nun PP "en declive" e en "franco descenso eleitoral", acotou Gonzalo Caballero (PSdeG)..
O suspenso durou menos do previsto e Feixóo compareceu esta segunda feira, nun acto partidario convocado de urxencia nos xardíns dun hotel compostelán, para anunciar que non vai competir pola sucesión de Raxoi. Feixóo reiterou por enésima vez que o seu primeiro compromiso é con Galiza. Ao facerse a un lado, emerxerá con seguranza a candidatura de María Dolores de Cospedal, a secretaria xeral do PP. En teoría, Feixóo garantirá os votos galegos a Cospedal para impedir que chegue á presidencia do partido a súa principal rival, Soraya Sáenz de Santamaría. A decisión de Feixóo frea o proceso de sucesión que se tería aberto na Galiza de ter optado a competir pola cadeira que deixou vacante Raxoi.
