Sermos Galiza

O espazo enocultural Vide, Vide! de Santiago de Compostela acolleu esta quinta feira, 2 de novembro, a presentación do libro 112 viaxes na miña terra de Xoán Colazo editado por Sermos Galiza S.A. No acto, organizado pola Agrupación Cultural O Galo, interveu, ademais do autor, o economista Aleixo Vilas. Logo das súas intervencións, decorreu un coloquio e a proxección dun audiovisual que recolleu imaxes de parte dos sitios referenciados na monografía e que explicitou a idiosincrasia da xeografía da Galiza. O libro de Colazo, que leva anos percorrendo a Galiza, busca incitar á viaxe polo país, dándolle visibilidade a lugares que non aparecen noutros libros de viaxe. O autor reflexiona sobre a xeografía física e humana galega, profundamente transformada e agora, a través desta obra, convídanos a revivir esas "andainas polas derradeiras paraxes galegas descoñecidas".

O conselleiro delegado de Sermos Galiza, empresa editora de 'Nós Diario', recibe o recoñecemento da AELG como escritor de novembro.

'Nós Diario' quere sumar 1.000 subscricións máis con motivo desta efeméride para afortalar un proxecto de xornalismo sustentábel feito por e para Galiza.

Nós Diario achégase ao seu número 1.000. E Sermos Galiza S.A., empresa promotora do xornal, quere aproveitar a data para consolidar o proxecto e asentalo no futuro. O programa de actos desta efeméride arrancou esta sexta feira en  Compostela.

En Cerdedo, na comarca de Pontevedra, o colectivo Capitán Gosende ergueu un memorial de pedra en honra da veciñanza represaliada polo franquismo. O das Laudas é, desde o ano 2016, un campo en aras da xustiza histórica. Nel están os nomes de asasinados, detidos e perseguidos por defender a democracia e a liberdade. Adentrámonos no Campos das Laudas a través da palabra do escritor e profesor Calros Solla, un dos impulsores da iniciativa memorialista que vén, ademais, de inaugurar a undécima lauda en Cerdedo.

Este sábado, número monográfico do semanario xunto ao xornal 'Nós Diario' ao prezo habitual: 80 páxinas por só 3,20 euros!

Este sábado, número monográfico do semanario xunto ao xornal 'Nós Diario' ao prezo habitual: 80 páxinas por só 3,20 euros!

Neste novo número do semanario entrevistamos o xornalista Manuel Veiga con motivo da súa última novela, analizamos a deturpación histórica do Himno da Galiza ideado orixinalmente por Eduardo Pondal e o anteproxecto do Museo de Arte Contemporánea Manuel Facal, entre outras moitas novidades do sector cultural.

A Fundación Didac inaugurou esta quinta feira en Compostela 'A Cociña de Barro. Os cadernos de deseño', unha mostra que dá conta da intimidade do proceso creativo do deseñador Pepe Barro, observada a través duns 66 cadernos dos que abrollaron as ideas da traxectoria profesional dun dos artistas máis representativos do grafismo galego.

Após unha longa traxectoria incluíndo a formación de solfexo, piano, harmonía e composición, unha tese sobre música contemporánea, docencia nos conservatorios de Compostela, Vigo e Ourense e de estrear obras sinfónicas en prestixiosos escenarios internacionais, o vigués Eduardo Soutullo vén de recibir o Premio Nacional de Música, na modalidade de composición, primeiro galego que o logra. Os seus últimos fitos inclúen o premio Lawson-May (Reino Unido, 2020) por Qebui e o premio en memoria de Andrey Petrov (Rusia, 2022) por Threnus Helianthuses, que denuncia a invasión de Ucraína.

A moda galega e a arquitectura tamén protagonizan este número do semanario.

Xoán Colazo é unha sinatura de referencia en Sermos Galiza. As súas crónicas en parcería con Adela Leiro e Mon Daporta, asinadas como Colectivo Xea, son unha parada obrigada para todas as lectoras e lectores do semanario desde a aparición do primeiro número, alá por 2012. 

O libro presentarase esta quinta feira, día 21, na libraría Cartabón de Vigo. Consta de 492 páxinas encadernadas en tapa dura, con máis de 250 fotografías a toda cor e cunhas dimensións de 16x16 centímetros, "para levar a toda parte". O prezo de venda ao público é de 24,90 euros.

Á venda durante toda a fin de semana nos quiosques estará o novo número do semanario cultural de 'Nós Diario', que protagoniza a escritora Paula Carballeira, premiada co Nacional de Literatura Dramática.

Plácido Castro e o 90º aniversario do recoñecemento da Galiza como nación protagonizan o semanario que sae á venda este sábado, xunto ao xornal. Neste número tamén entrevistamos Mikel Burzako, do PNV, e viaxamos ás orixes do Galeusca.