sector gandeiro

 

A integración da Galiza na Comunidade Económica Europea (CEE), antecedente da Unión Europea (UE), representa o punto de arranque do proceso de reconversión do complexo agrario galego, que provocou a perda de 94.176 explotacións de leite desde 1985. Só entre xaneiro e xullo de 2023 fecharon 324 granxas lácteas no país.

As perdas polo veto á saída das granxas de animais que aínda non se conseguiron vacinar e os atrasos en que se realice preocupa ao sector. Mentres, a Xunta da Galiza nega "bloqueo".

Até 3.895 explotacións de vacún de carne, 17% das existentes, botaron o feche na Galiza o ano pasado. Unha media de unha cada dúas horas. As organizacións gandeiras advirten dun sector afogado polos custos de produción e a ausencia de políticas públicas de apoio a unha actividade "chave" para o rural.