Rosendo Salvado

A Universidade de Vigo vén de publicar en aberto a edición dixital do ensaio de Albino Prada 'O país dos sen alma. Rosendo Salvado en Australia 1846-1899'.

Andrea González, pianista, presenta o legado musical de Frei Rosendo Salvado no seu último traballo, 'Salvado Piano Works'. Nesta conversa, González refírese ás viaxes e ao proceso de recuperación dos manuscritos que conteñen “unhas partituras moi complexas, virtuosas e moi melódicas”.

O economista e profesor da Universidade de Vigo Albino Prada trae á actualidade a figura do misioneiro tudense Rosendo Salvado, un dos persoeiros máis interesantes e complexos do século XIX. A edición en galego do seu libro O país dos sen alma. Rosendo Salvado en Australia (1846-1899), do Servizo de Publicacións da Uvigo, tráenos a crónica dun misioneiro multidisciplinar que puxo en práctica os seus coñecementos para evitar a desaparición dos habitantes orixinarios dese territorio. O seu legado aínda continúa vivo e lémbrase en Nova Nursia, a misión que fundara e actual cidade turística australiana.