Real Academia Galega

O documental, dirixido por Damián Varela Pastrana, consta de seis episodios nos que máis dunha vintena de voces "trazan un retrato coral sobre a poeta, narradora, ensaísta e articulista coruñesa".

Laura Toriñán asina un volume sobre a vida e a obra de Marcial del Adalid que actualiza os coñecementos que temos sobre un compositor só parcialmente recoñecido, e que revisa o importante fondo que sobre el posúe a Real Academia Galega.

O escritor e profesor da Universidade de Vigo, actual presidente da Fundación Rosalía de Castro, dará lectura ao discurso titulado I es a noite, i es a aurora. A poética da luz de Rosalía de Castro.

A RAG modificou no seu dicionario en liña, nas vésperas do Día Mundial da Concienciación sobre o Autismo -que se celebra 2 de abril-, a definición deste trastorno do desenvolvemento neurolóxico após a solicitude da Federación de Autismo Galiza.

A Sección de Literatura da RAG pon en diálogo a obra do escritor celanovés cos versos de poetas actuais de distintas xeracións para conmemorar o Día Internacional da Poesía nun tempo convulso.

A Real Academia Galega celebrará esta terza feira, 19 de marzo, o Día da Poesía, cun encontro no que diversos poetas dialogan coa obra de Celso Emilio Ferreiro Longa noite de Pedra.

Pedro López Gómez publica na colección Anexos BRAG unha aproximación “bio-bibliográfica” sobre o académico que sucedeu a Murguía na presidencia da RAG

A institución presentou o seu proxecto web para o público infantil dedicado á protagonista do Día das Letras Galegas 2024

A institución presenta un espazo na Rede que ofrece entre outros recursos, o catálogo das pezas compostas polo compositor coruñés e mais o da biblioteca musical familiar, unha pequena xoia da bibliografía musical europea do s. XIX

O arquivo da Real Academia Galega conserva unha serie de fotos dun Entroido marcado por un bando municipal que prohibiu os “disfraces contrarios a la decencia” e outras medidas que desposuían a celebración do seu carácter propio.

A institución recolle nun volume os rexistros dos arredor de 2.000 libros que forman parte do legado bibliográfico do seu primeiro presidente, unha ferramenta fundamental para seguir avanzando no estudo da súa figura e obra.

A Real Academia Galega presentou esta terza feira as as principais iniciativas que desenvolverá arredor do Día das Letras Galegas que lle dedica a Luísa Villalta no seu vixésimo cabodano. Destacan unha webserie documental, unha pequena biografía sobre a homenaxeada para o público infantil, e o pleno extraordinario e público que se celebrará na Coruña, a "Cidade Alta" de Villalta.

O concurso é unha iniciativa xa consolidada que anima a escribir en galego a persoas de todas as idades e contribúe a visibilizar novas voces das nosas letras, segundo o presidente da RAG Víctor Freixanes.

A institución abre a sección sobre a escritora na páxina web institucional cunha biografía da autora á que lle dedica o Día das Letras Galegas 2024 asinada pola académica de número Ana Romaní.

O termo fai referencia ás persoas que cometen delitos na rede e naceu no programa da TVG 'Dígocho eu'.

Nas edicións anteriores foron elixidas 'comadre' (2022), 'tanxugueiras' (2021), 'nós' (2020), 'sentidiño' (2019) 'deseucaliptización' (2018), 'afouteza' (2017), 'irmandade' (2016) —coincidindo co centenario das Irmandades da Fala—, 'refuxiado, -a' (2015) e 'corrupción' (2014).

A Sección de Literatura conmemorou esta terza feira 'Voces da narrativa', unha cita na que o público puido escoitar tres conversas entre autores e autoras por baixo dos corenta anos.

Un estudo da RAG reflexiona e afonda na relación entre galego e xénero.

Como inflúe o xénero no uso e na transmisión do galego? Os resultados desta reflexión, froito dunha análise desde a Real Academia Galega (RAG) conforman o volume 'Lingua e xénero en Galicia: estado da cuestión', dispoñíbel xa en liña na sección de publicacións de academia.gal.

A ‘Guía de nomes galegos’ da Real Academia Galega (RAG) recolle a forma estándar de máis de 1.500 nomes que forman parte da nosa tradición antroponímica. Pode consultarse na web, canda unha lista de cales son os máis procurados.