rastrexo

Mentres aumentan as dúbidas e críticas sobre o sistema da Xunta para dar cos casos de coronavirus, o delegado do Goberno español na Galiza anuncia esta medida de control.

O responsábel de Sanidade, Julio García Comesaña, asegurou no pleno do Parlamento que o rastrexo "é un proceso, non un profesional" e repetiu a cifra de máis de 6.000 profesionais.

Desde agora, a aplicación Radar Covid, posta en marcha desde o Goberno estatal para facilitar o rastrexo de contactos para controlar os contaxios, pode descargarse na súa versión en galego

Sen desagregación por concellos, nin datos acumulados nin cifras de evolución, de rastrexo ou da presión hospitalaria, a información que a Consellaría de Sanidade fai pública do coronavirus, parcial e asistemática, dificulta ter unha foto real da incidencia da pandemia ou do seu impacto no sistema sanitario, e coloca Galiza á cola en transparencia. Outras Administracións, incluso da mesma cor política que a galega, si ofrecen á súa veciñanza e profesionais da sanidade unha imaxe máis clara de como a enfermidade afecta o seu territorio

Desde que o 20 de agosto, o presidente en funcións Alberte Núñez Feixóo anunciara a realización de tests masivos, a cifra de PCR realizadas na Galiza aumentou 9% e sitúase en 124 por cada 1.000 habitantes. Así e todo, as cifras galegas seguen a estar por debaixo da media do Estado, onde a porcentaxe de probas realizadas aumentou o 10% no mesmo período.

Persoal do Grupo Konecta forma parte do sistema de rastrexo que puxo en marcha a Consellaría de Sanidade, segundo aseguran os propios empregados. A multinacional desembarcou na Galiza tras adquirir Universal Support, empresa creada polo Banco Pastor, e posterirmente mercou Sum Talk, o call center que contaba con Abanca ou Inditex entre a súa clientela. O fondo de capital de risco ICG, con participacións en Konecta, é accionista maioritario de DomusVi.

Nesta semana reforzáronse as peticións da oposición para que a Xunta aclare con cantos rastrexadores conta. BNG, PSdeG , sindicatos e asociacións poñen en dúbida a cifra achegada por Alberto Núñez Feixoo, quen asegurou que máis de 6.000 persoas traballan en tarefas de seguimento. A delegada sindical do Grupo Konecta, que ofertou postos de rastrexo na Galiza, asegura a Nós Diario que arredor dun cento de persoas da empresa se dedican a este labor.  

Denuncia falta de transparencia en datos.

En maio, a Consellaría de Sanidade puxo en marcha unha plataforma tecnolóxica de rastrexo formada por operadores. A plataforma tamén asumiu o teléfono de información xeral sobre o coronavirus e mais o habilitado para visitantes de áreas de alta incidencia da Covid-19. A Xunta asegurou que incrementaría o número de operadoras segundo evolucionase a pandemia, mais desde maio non actualiza esta cifra. Tampouco especifica que entidade se encarga de xestionar a plataforma. O Grupo Konecta publicou este mes, no que se rexistrou unha alza dos contaxios, ofertas de emprego para tarefas de rastrexo. Porén, nin a compañía nin Sanidade aclararon a este medio o papel da primeira na plataforma.

A Comunidade de Madrid vén de derivar nunha entidade privada os labores de rastrexo de casos de coronavirus, "dada a importancia dos servizos" a realizar e por tratarse dunha "emerxencia de carácter inaprazábel". 

A Asociación Galega de Medicina Familiar e Comunitaria denuncia a falta de coordinación dos servizos de Atención Primaria co equipo de rastrexadores encargado do seguimento dos contactos dos novos casos positivos por coronavirus. Unha eiva, di, que lastra a súa función esencial no control da Covid-19 e dos focos activos.

O Colexio de Traballo Social remitiu onte un escrito á Xunta para propor que sexan estas e estes profesionais quen realice o rastrexo de contactos das persoas afectadas polo coronavirus, un dos mecanismos que se está a revelar como ferramenta eficaz no control dos surtos. 

Controlar os novos contaxios por coronavirus é un dos obxectivos esenciais na fase de desconfinamento. Nesta etapa avanzada da epidemia xorde unha figura destacada para atender o labor de vixilancia epidemiolóxica e frear a expansión da COVID-19. Entra en xogo o rastrexador, encargado de identificar os contactos dos novos positivos e iniciar un seguimento da súa evolución. Na Galiza, a encomenda recae sobre unha plataforma tecnolóxica integrada por unha vintena de operadoras.

De entrada, 20 operadoras encárganse do seguimento de novos casos sospeitosos e dos seus contactos.