Ramón Chao

Aser Álvarez, cineasta e xornalista, dirixe o documental O camiño de Ramón Chao. Trala pista de Prisciliano, que hoxe será proxectado nun segundo pase no marco do Ourense Film Festival, após a súa estrea na segunda feira.

"Prisciliano era un altermundialista: cría que outro mundo era posíbel, que os valores da xustiza social, da igualdade e do respecto ao medio natural poden rexer a sociedade dunha maneira máis eficaz que a orde que temos actualmente". Así lle explicaba Antoine Chao, fillo de Ramón Chao, a un vello comunista francés, en que consistía o último proxecto de Aser Álvarez: un documental sobre Prisciliano seguindo os pasos de Ramón Chao.