Quique Peón

Endaterra, o grande espectáculo de música e baile tradicional ideado por Quique Peón e Xacarandaina, estará este vindeiro domingo, 7 de maio, no Coliseo da Coruña. Unha obra que reúne en escena máis de 80 persoas entre instrumentistas, cantantes e corpo de baile, e que percorre diferentes facetas da tradición galega: as pandeireteiras, os grupos de gaitas, os pequenos grupos de metal que van aparecendo a comezos do século XX e mesmo os cantos de taberna que se acompañaban dun sinxelo acordeón. 
 

A montaxe está dirixida por Quique Peón e inclúe corpo de baile, coro e instrumentistas

O vindeiro día 23, Quique Peón estreará Endaterra, un musical que percorre as diferentes manifestacións das tradicións a que rodean os Camiños Inglés e o de Muxía. Con máis de 80 persoas en escena, é probabelmente un dos máis grandes retos que enfronta nunha traxectoria ateigada deles.