protocolo Covid-19

A Consellaría de Sanidade deixa esta segunda feira de rastrexar os contactos estreitos dos positivos. Isto é o que precisas saber sobre o novo protocolo Covid.

O BNG e familiares de internos nos hospitais galegos exixen mudar o protocolo Covid para evitar que máis persoas falezan en soidade nos hospitais.

As residencias DomusVi de Bembrive, en Vigo, e Raiola O Hórreo, en Compostela, suman máis dun cento de positivos.

Pasado un mes desde o inicio do curso, os centros educativos e as escolas infantís galegas acumulan xa máis de 600 contaxios de coronavirus. Estes focos manteñen dous fechados, ademais de 22  aulas, mais a súa xestión non sempre é áxil, como demostra o caso do colexio de Vite, en Compostela.

O alumnado de 1º de Bacharelato do IES Antón Fraguas de Compostela, xunto coas súas familias, convoca para esta terza feira, ás 12.20 horas, diante do instituto, a primeira concentración de protesta contra a falta de resposta da Xunta ás súas demandas de profesorado para evitar a semipresencialidade nesta etapa.

Media ducia de institutos galegos imparten desde o inicio deste curso aulas semipresenciais en Bacharelato ou FP, unha modalidade docente derivada das directrices da Xunta para a prevención Covid-19 e que, segundo denunciou onte no Parlamento o BNG, supón unha "discriminación" para o alumnado dos centros que adoptaron esta fórmula.

Coa mesma necesidade de profesorado, modernización e servizos, os centros de ensino do rural afrontan o ritmo que a Covid-19 impón ao novo curso coa vantaxe de non estaren masificados e poder cumprir, sen normas complementarias, as medidas de prevención de contaxio que son tamén medidas educativas. Menos alumnado por aula e maior atención aos grupos contrarrestan as carencias endémicas do sector educativo máis alá das contornas urbanas, marcados pola falta de conexións, na mobilidade e nas tecnoloxías da comunicación. 

Perto dunha decena de asociacións vinculadas á inclusión das persoas con diversidade veñen de remitir á Consellaría de Educación unha instancia na que urxen a retirada do protocolo para a prevención da Covid-19 no alumnado con necesidades educativas especiais polo "risco de discriminación" que, aos seus ollos, xeran as directrices que se recollen nel

A seguridade no deporte segue a ser fonte de conflitos coa aplicación de diferentes protocolos entre a Xunta da Galiza e os organismos deportivos estatais. A última proposta do Goberno galego de realizar probas a todos os deportistas que veñan de fóra e para os que viaxen aínda non ten resposta do CSD.

Persoal do centro de ensino da Rabadeira, en Oleiros, representou esta sexta feira diante do instituto a súa oposición ás medidas coas que a Consellaría de Educación xestiona o inicio de curso nas actuais condicións sanitarias.

O Consello da Xunta aprobou, co curso xa iniciado e 53 aulas fechadas pola incidencia da pandemia –que afecta xa 199 persoas no ámbito educativo–, o seu plan de educación non presencial ou semipresencial, que se sustenta, segundo avanzaba o presidente do Goberno galego, Alberto Núñez Feixoo, na xornada previa, en "máis ordenadores e máis formación".

O curso comezou esta cuarta feira 23 de setembro, pasada unha semana sobre o previsto, para o alumnado de primeiro e segundo de ESO, primeiro de Bacharelato e primeiro de FP Media e de FP Superior, ao que seguirá no que queda de semana o resto de cursos destas etapas, con folga do profesorado e novas instrucións da Consellaría de Educación. 

Pasada unha semana desde o inicio do curso en Infantil e Primaria, e en vésperas de que comece o de Secundaria, Bacharelato e FP, o coronavirus comeza a ter impacto xa nas aulas dunha vintena de centros de ensino galegos, cun único abrollo coñecido e múltiples casos puntuais entre o alumnado e o persoal que, polo momento, xa causaron o fechamento dun colexio e obrigaron a impoñer illamentos noutros 22. Familias e profesorado seguen demandando que as medidas de protección, como o distanciamento e a redución de ratios, se apliquen por igual en todas as etapas educativas.  
 

Novo xiro de timón. Pasados dous meses do seu primeiro protocolo e con novo titular á fronte, a Consellaría de Educación vén de anunciar a contratación de profesorado para permitir o desdobramento nas aulas de secundaria, unha das principais reivindicacións da comunidade escolar que levaron á convocatoria de dúas folgas e repetidas protestas, a última das cales reclamou esta cuarta feira, 16 de setembro, un ensino presencial e seguro nas principais poboacións galegas. A medida, segundo afirma agora a Xunta, servirá para cumprir as medidas que demandan os centros para adaptarse ao contexto da Covid-19. 

As condicións en que se producirá, nunha semana, o inicio do curso mobilizou a comunidade escolar contra a planificación da Consellaría de Educación para adaptar os centros á actual situación sanitaria. Falamos co secretario nacional de CIG-Ensino dos últimos cambios introducidos pola Xunta e das súas consecuencias. 

As mobilizacións do profesorado contra a planificación do Goberno galego para o inicio do curso chegarán esta semana ás portas do Parlamento, coincidindo co segunda xornada da sesión de investidura de Alberto Núñez Feixoo como presidente da Xunta, segundo avanzaron esta segunda feira CIG, CCOO, STEG e CSIF

O calendario escolar galego comezará con dúas xornadas de folga do profesorado, coincidindo coa reincorporación ás aulas do alumnado de Infantil e Primaria, o 10 de setembro, e de ESO, Bacharalato e FP, o 16.

Na mesma xornada na que o presidente da Xunta, Alberto Núñez Feixoo, asegurou que se está a "ultimar" o protocolo do regreso ás aulas, un grupo de familias entregou 2.500 sinaturas nas que exixen poder escoller se o alumnado volve aos centros. Docentes e profesionais defenden a presencialidade en declaracións a Nós Diario, sinalando que os cambios nas medidas están a xerar inquedanza nas familias e nas propias crianzas e adolescentes. 

Sinalan que o procolo dificulta a socialización necesaria para este alumnado, así como o traballo en grupo. Así mesmo, reclaman solución para o persoal especializado na súa atención, que en numerosas ocasións traballa con distintos grupos e centros rachando co concepto da "aula burbulla".