Prisciliano

Aser Álvarez, cineasta, dirixe o documental Prisciliano e a Gallaecia

Este proxecto de Arraianos Producións busca recuperar para a historia a figura do bispo Prisciliano (345?-385)

Naceu no ano 340 e foi executado aos 45 anos de idade na cidade de Tréveris (na actual Alemaña) acusado de "danzas nocturnas, rituais máxicos e práctica de astroloxía cabalista", entre outras. Prisciliano da Gallaecia converteuse así no primeiro 'herexe' do catolicismo, torturado e decapitado polos seus 'delitos' deixando unha pegada que perdura aínda até a actualidade.

"Prisciliano era un altermundialista: cría que outro mundo era posíbel, que os valores da xustiza social, da igualdade e do respecto ao medio natural poden rexer a sociedade dunha maneira máis eficaz que a orde que temos actualmente". Así lle explicaba Antoine Chao, fillo de Ramón Chao, a un vello comunista francés, en que consistía o último proxecto de Aser Álvarez: un documental sobre Prisciliano seguindo os pasos de Ramón Chao.

Fixo parte daquela xeración de ouro que alumeou o espertar cultural galego nas centurias do baixo Imperio. Acusado de formar nas filas do partido priscilianista veuse obrigado a renegar da mesmo para salvar a vida, producindo unha importante obra doutrinal que o situou á cabeza do pensamento europeo do momento. Viaxeiro impenitente percorreu todo o mundo coñecido desde as costas atlánticas até Palestina, nunha rota moi habitual para a oligarquía galega do momento, sendo considerado o grande impulsor do monacato na península ibérica.