primarias En Marea

En Marea tal e como existe non funciona e Luís Villares debería demitir como portavoz do grupo parlamentar porque a día de hoxe só representa un sector da confluencia. O "espazo de cambio" ten que se ensanchar e vai continuar "suceder o que suceder co partido instrumental". Estas son as mensaxes básicas que deixou o secretario xeral de Podemos Galicia Antón Gómez Reino nunha entrevista na Ser.

O cuestionamento das primarias que deron o triunfo ao villarismo fronte á tríade Anova oficial-Podemos-Esquerda Unida non cesa. Esta terza feira, a organización do partido morado na Galiza deu a coñecer a súa auditoría sobre o proceso. Segundo o informe pericial, as fallas do sistema informático permitían "alterar o resultado das votacións", alén de violar a protección dos datos das persoas inscritas. Podemos non recoñece a vitoria de Villares. O fin da confluencia, cada día máis perto.

A suspensión é cautelar, mais desde a dirección de En Marea non se descarta a expulsión dos tres integrantes do comité electoral que, segundo as auditorías encarregadas pola comisión de garantías, accederon sen autorización ao censo das primarias. A Comisión de Garantías, de maioría villarista, traslada agora ao Comité Electoral, controlado polo sector crítico, a xestión das decisións adoptadas este sábado polo Consello das Mareas.

David Bruzos, candidato da lista Entre Todas ao Consello das Mareas, reaxiu ao anuncio das medidas anunciadas o sábado após a reunión do órgano de dirección de En Marea, que considera “unha farsa”, ao se atopar “en funcións”. Afirma que os responsábeis da situación do partido “teñen nomes e apelidos, son Luís Villares e a actual Coordinadora”.

O Consello das Mareas –máximo órgano político do partido– decidiu na mañá do sábado propoñer unha serie de mudanzas técnicas no sistema de votacións co fin de dotar o proceso eleitoral de maiores garantías. O sector crítico plantou a reunión da dirección ao considerala unha “estafa”.

Esquerda Unida sae en defensa do Comité Electoral de En Marea e carga contra a Coordinadora por "obstruír" o proceso de eleccións internas. Advirte de que pedirá "responsabilidades políticas e legais" dadas as acusacións de "manipulación" do censo electoral que afectan membros das súas filas.

A dirección de En Marea ten a convicción de que os accesos non autorizados ao censo de persoas inscritas da confluencia son constitutivos dun delito tipificado no código penal que pode comportar penas de 1 a 4 anos de prisión. "Cos resultados da auditoría na man tiñamos necesariamente que facer o que fixemos, dar traslado á fiscalía", din fontes da Coordenadora [executiva] do partido instrumental a Sermos Galiza. As cinco persoas —dúas delas non integrantes do comité electoral— que accederon sen permiso ao censo son militantes de Esquerda Unida, segundo as fontes consultadas por Sermos. A dirección de EU, en comunicación con este diario dixital, desmínteo.

Gonzalo Rodríguez, responsábel da custodia do censo das primarias da confluencia, entende que os "accesos non autorizados" de tres membros do Comité Electoral son susceptíbeis de constituír unha violación da lexislación sobre protección de datos. O membro da Comisión de Garantías, órgano de maioría villarista, mostrou a súa convicción de que as votacións finalmente terán lugar, unha vez que se materialicen medidas que poñan a salvo a confidencialidade dos datos das persoas inscritas. Dificilmente será esta fin de semana.

O cartaz de Entre Todas —a candidatura do sector crítico que compite coa de Luís Villares pola direccion de En Marea— pon en dúbida a imparcialidade do responsábel da custodia do censo, Gonzalo Rodríguez. "Non se pode separar a intervención de Gonzalo Rodríguez da de Luís Villares", dixo esta terza feira David Bruzos.

Non é seguro que as primarias se vaian realizar finalmente esta fin de semana. A dirección da confluencia —informou o integrante da Comisión de Garantías Gonzalo Rodríguez en conferencia de imprensa— quer introducir novas medidas de seguranza no sistema. Os resultados das autorías encarregadas pola Comisión de Garantías, xa en mans deste órgano, apuntan a que dous membros do comité electoral, controlado polo sector crítico, si que terían accedido ao censo, a pesar de non teren autorización para o facer. Con todo, non hai indicios de alteración dos datos das persoas inscritas.

O referente de Esquerda Unida vai asumir en xaneiro a portavocía rotatoria de En Marea no Congreso dos Deputados. Posicionada coa candidatura Entre Todas, a que compite polo poder interno co villarismo, nega lexitimidade á Comisión de Garantías para paralizar as primarias, tal e como ese órgao fixo o pasado sábado 2 de decembro. "Paralizar unha votación é moi grave e por respeito á cidadanía e inscritos ten que ser explicada", dixo.

[ACTUALIZADA ÁS 15.09H] Aínda non está restaurada a regularidade censal no proceso de eleccións internas de En Marea. Así o asegurou na mañá do domingo Gonzalo Rodríguez, membro da Coordinadora de En Marea e representante legal do partido perante a Axencia Española de Protección de Datos. Sinalou, ademais, que membros do Comité Electoral quebraron garantías do censo.

A partir das 11 horas do sábado o sistema electrónico para a votación interna de En Marea ficou suspendido por decisión da actual dirección do partido por unha presunta “intrusión” no censo electoral.

O 60,5% das persoas que participaron na enquisa publicada en Sermos Galiza sobre as eleccións primarias de En Marea daban por gañadora a candidatura encabezada por Luís Villares, artellada en Coidando da Casa.

Luís Villares (Lugo, 1978) aspira á reelección como líder de En Marea, a confluencia que vive abalada por fortes sacudidas internas desde case o minuto cero da súa posta en andamento. Nas primarias axendadas entre os días 1 e 3 de decembro, encabeza a lista Coidando a Casa. Quere un partido soberano, non tutelado desde o exterior. O seu non é un proxecto nacionalista, mais si, esclarece, "nacional". 

David Bruzos (Ourense, 1979) encabeza a candidatura Entre Todas ao Consello das Mareas. Este profesor de Física e Química, ex deputado no Congreso español durante a efémera undécima lexislatura, fala da necesidade de recuperar a “ilusión” do que cualifica como “espazo de cambio” e nega que a súa lista sexa froito dun pacto de cúpulas, como critica Villares. “Aquí non sobra ninguén”, reafirma.