Ponteareas

Cartaz pendurado ás portas do centro de saúde de Covelo. (Foto: Nós Diario)
Sanidade pública

Sen médico en Covelo... e sen ambulancia para trasladalo a Ponteareas: "Din que me busque a vida, que colla un taxi"

Un paciente denuncia a falta de persoal no ambulatorio de Covelo e a ausencia de alternativas para atendelo en Ponteareas, dado que non pode conducir.
Centro de atención de emerxencias do 112 Galiza (Foto: Xunta).
Agora

Morre un home en Ponteareas ao caerlle enriba unha árbore mentres realizaba unha corta

Un home morreu esta cuarta feira no Concello de Ponteareas, comarca do Condado, ao caerlle enriba unha árbore mentres realizaba unha corta nunha leira da parroquia de Xinzo. Segundo informou o CIAE 112 Galiza, o suceso tivo lugar minutos antes das 09 horas nunha leira propiedade do falecido situada no lugar da Barreira. O home foi golpeado por unha árbore que acababa de cortar, traballos que realizaba en compañía doutra persoa que foi a encargada de dar a voz de alarma aos servizos de emerxencia. Até o lugar mobilizouse un equipo de Urxencias Sanitarias 061 desprazados no helicóptero con base en Ourense, que non puideron facer nada pola vida do falecido.

Alumnado de 2º de Bacahrelato do IES do Barral de Ponteareas na aula de Humanidades e Ciencias Sociais. (Foto: Nós Diario).
Semana da Prensa na Escola

O proxecto de normalización lingüística do IES do Barral (Ponteareas) a través de 'Nós Diario'

O IES do Barral de Ponteareas (O Condado) conta con diversas subscricións a Nós Diario. Cada día recibimos no centro varios exemplares, polo que decidimos realizar unha reportaxe sobre a súa pegada nas aulas coas opinións achegadas polo alumnado e o equipo docente que dá vida a este medio.
Vilaverde, Lores e Bará (á dereita), esta terza feira na potabilizadora do Lérez, en Pontevedra. (Foto: Nós Diario)
18-F

O BNG busca trasladar a toda Galiza o modelo de xestión de auga de Pontevedra

Luís Bará visitou esta terza feira Pontevedra e Ponteareas para expór as propostas da formación nacionalista en materia de recursos hídricos e forestais.

Sede da Audiencia de Pontevedra (Foto: Nós Diario).
SOCIAL

Piden 10 anos de prisión para catro persoas acusadas de secuestrar un home en Ponteareas

Segundo o escrito de Fiscalía, a vítima, propietaria do inmóbel, accedeu a el o 10 de agosto de 2019 e observou que estaba revolto. Tras iso dirixiuse á zona da cociña e foi cando dous dos procesados se lanzaron sobre el, tombárono no chan boca abaixo e atárono de mans e pés.
Centro Integrado de Atención ás Emerxencias 112 da Galiza, no municipio da Estrada (Foto: Europa Press).
Agora

Trasladados unha muller e un menor por inhalación de monóxido de carbono nunha vivenda de Ponteareas

Unha muller e un menor tiveron que ser evacuados a un centro hospitalario con síntomas por inhalación de monóxido de carbono nunha vivenda de Ponteareas (O Condado), segundo informou o CIAE 112 Galiza. Os feitos ocorreron na madrugada desta sexta feira, sobre as 1.45 horas, cando un particular contactou con Emerxencias para alertar de que a súa cuñada e o seu sobriño estaban desmaiados nunha vivenda da rúa Cortiña Vella, por unha posíbel fuga de gas dunha estufa. O 112 deu aviso a Urxencias Sanitarias-061, ao GES de Ponteareas, á Garda Civil, Policía Local e Protección Civil. Os efectivos desprazados ao lugar informaron de que non se trataba dunha fuga de gas senón que os afectados estiveran queimando carbón nunha lata sobre a cociña de butano e inhalaran o monóxido do fume.

Nemesio Boente. (Foto: BNG)
Obituario

Falece Nemesio Boente, ex concelleiro e líder do BNG de Ponteareas

"Coa súa traxectoria converteuse nunha persoa querida e apreciada por enriba das diferenzas políticas", salientan desde a formación nacionalista.
O acto tivo lugar diante do panteón da familia Garra. (Foto: Ateneo Amado Garra).
MEMORIA E HISTORIA

Un cento de persoas lembran Amado Garra no aniversario do seu nacemento

Familiares e membros do Ateneo Amado Garra fixeron unha ofrenda floral en memoria do lider agrarista e republicano ponteareán.

Nava Castro, alcaldesa de Ponteareas. (Foto: Xan Carballa)
O Condado

O PP de Ponteareas e ACIP pactan un Goberno de coalición liderado por Nava Castro

"Por fin Juan Carlos Carreira saca a careta e mostra claramente que ideoloxía defende", censura o PSOE, en alusión ao líder de ACIP, Juan Carlos Carreira.
Nava Castro, alcaldesa de Ponteareas. (Foto: Xan Carballa).
Entrevista

Nava Castro, alcaldesa de Ponteareas (PP): "Non se pode vivir da crítica do pasado, vou gobernar aportando solucións"

Nunha Corporación con seis forzas políticas (BNG, con 6; ACIP, con 4, PSdeG, con 2, Ponteareas en Común, con 1 e IP, con 1) a popular Nava Castro (Ponteareas, 1969) goberna con sete concellarías e o representante de Independentes de Ponteareas (IP), Mingos Freitas (denunciado xudicialmente por insultar no pleno un representante do BNG, “cala ti, parapléxico!”). Pasaron cen días e segue no aire a posibilidade dun acordo de lexislatura con Alternativa Ciudadana de Ponteareas (ACIP), que viu rexeitada a proposta de alternar na alcaldía en dous anos.
Domingos Freitas, concelleiro de Independetes Ponteareas (Foto: Nós Diario).
Agora

Un responsábel do BNG de Ponteareas denuncia un edil do Goberno local por chamalo "parapléxico"

Bolívar González, o que foi durante 17 anos concelleiro do Concello de Ponteareas (comarca do Condado) polo BNG, denunciou o actual membro da Corporación municipal Domingos Freitas tras chamalo "parapléxico" no pleno de investidura da actual alcaldesa, Nava Castro, o pasado mes de xuño. Tal como relata González na súa denuncia, foi durante a sesiónde constitución da nova corporación cando o denunciado dirixiuse "de forma pública no medio dunha disertación" cara ao denunciante, ordenándoo calar e cualificándoo de "parapléxico". Danse as circunstancias de que Bolívar González viuse obrigado a retirarse de toda actividade pública e laboral como consecuencia da deterioración de saúde que dificulta a súa mobilidader. "Estes feitos eran sobradamente coñecidos polo denunciado, tal e como reflicte un atestado policial do día dos feitos", subliñou González. El critica que case tres meses desde ese suceso non recibise unha desculpa ou unha mostra de arrepentimento por parte de Domingos Freitas, concelleiro de Independentes por Ponteareas que forma parte do goberno de Nava Castro (PP), ao ser o único edil non 'popular' que a votou para poder ser investida.

Nava Castro, alcaldesa de Ponteareas nunha imaxe de arquivo (Foto: Xunta da Galiza).
POLÍTICA

Denuncian unha suposta fraude con fondos europeos por parte do goberno do PP de Ponteareas

"A rexedora "botou por terra todo o traballo realizado polo goberno anterior e pretende comezar desde cero cunha nova actuación que require os permisos necesarios e a aprobación da operación por parte do Ministerio", alertaron desde o PSOE ponteareán.
Nava Castro, candidata polo PP, exercendo o seu dereito a voto este domingo en Ponteareas. (Foto: Nós Diario)
Agora

O PP de Ponteareas nega "prácticas caciquís" e acusa o PSOE de "non acatar os resultados electorais"

Desde o PP de Ponteareas trasladaron esta cuarta feira o seu "rotundo rexeitamento" ás "graves acusacións formuladas" polo grupo socialista, que avanzou que levaría á Fiscalía as supostas "prácticas caciquís" das que acusa a alcaldesa, Nava Castro. A rexedora defende que "non hai ningún familiar facendo tarefas nin ocupando instalacións municipais", malia que, afirmaron os conservadores, "cando sexa preciso" contará "para os seus asuntos particulares e persoais con quen queira". Pola contra, o PP pediu ao PSOE de Ponteareas que "cuestione o seu propio partido" e mencionou aspectos como unha reunión co delegado do Goberno estatal na Galiza en decembro de 2022 na que estivo o seu candidato nas municipais, Delfín Domínguez, "quen non era ningún cargo". Tamén ven "elucubracións malintencionadas" dos socialistas e cren que "non saben acatar os resultados electorais". "Sempre actuamos correctamente e respectamos, como non podía ser menos, que sometan calquera cuestión a criterio da Fiscalía, pero que non engadan comentarios malintencionados nin enlamen a práctica política", din.

A responsábel de Turismo da Xunta da Galiza, Nava Castro e agora alcaldesa de Ponteareas (Foto: Arxina).
Xustiza

O PSOE de Ponteareas denuncia na Fiscalía as "prácticas caciquís" da alcaldesa Nava Castro

"A alcaldesa utiliza a institución municipal e os medios públicos ao seu antollo, incumprindo toda a lexislación de persoal, debido a que está a utilizar persoal do PP e mesmo familiares seus en tarefas municipais, sen que estas teñan ningunha vinculación laboral nin de representación na actualidade co Concello", censura o grupo socialista.
Domingos Freitas, concelleiro de Independetes Ponteareas (Foto: Nós Diario).
VÍDEO NO INTERIOR

"Cálate ti, parapléxico". A desafortunada resposta dun edil de Ponteareas a un membro do BNG

Na sesión plenaria deste sábado, a popular Nava Castro conseguiu os 7 votos do seu grupo e o de Domingos Freitas.
A responsábel de Turismo da Xunta da Galiza, Nava Castro e agora alcaldesa de Ponteareas (Foto: Arxina).
POLÍTICA

O PP faise coa Alcaldía de Ponteareas da man de Nava Castro que gobernará en minoría

O PP chega así de novo á Alcaldía desta localidade do Condado máis de 20 anos despois.
Cristina Fernández Davila, alcaldesa de Ponteareas polo BNG.
Agora

O PSOE ofrécese a apoiar a investidura do BNG en Ponteareas ante o "espectáculo" da dereita

O PSOE de Ponteareas, no Condado traslada o seu "enfado" ante o "espectáculo" de PP e ACIP, con cruzamentos de acusacións e sen chegar a un acordo de investidura ou de goberno, e advirte de que iso "de nada vale" aos veciños, polo que se ofrece a votar a investidura da candidata do BNG, a alcaldesa en funcións Cristina Fernández Davila, sempre que ACIP tamén a apoie. Os socialistas cualifican a "loita de egos" entre a candidata 'popular', Nava Castro, e o de ACIP, Juan Carlos González Carrera, como unha "clara demostración de que a dereita de Ponteareas está máis preocupada polas súas cotas de poder que polos veciños". A maioría absoluta en Ponteareas está fixada en 11 edís, e un goberno de BNG (6), PSOE (2) e Ponteareas en Común (1) só sumaría 9. PP e ACIP poderían gobernar (7 + 4), mentres a acta restante é a dos Indpendentes.
Nava Castro, candidata polo PP, exercendo o seu dereito a voto este domingo en Ponteareas. (Foto: Nós Diario)
28-M

O PP espera contar co apoio de ACIP para gobernar Ponteareas en maioría

Nava Castro non descarta gobernar Ponteareas en minoría. 
Poboación en cada concello (datos do IGE de xaneiro).
28-M

O Condado e A Paradanta: un motor industrial e turístico

As comarcas do Condado e A Paradanta concentran nove concellos e 54.146 habitantes. Son moi dinámicas na actividade industrial e as cifras reflicten o aumento exponencial das empresas mercantís que elixen estas comarcas para instalarse. Concellos como Ponteareas, Mondariz ou Salvaterra teñen claro o impulso que isto supón para as súas economías locais, e por iso teñen en marcha medidas para facilitar o acceso empresarial ao solo. A falta de persoal sanitario e de servizos e as humanizacións en Ponteareas son cuestións que centraron a política municipal neste mandato.
A edición de 2019 de correlingua (Foto: Correlingua)
Agora

Máis de 1.400 estudantes de infantil, primaria e secundaria reivindicarán o galego en Ponteareas co Correlingua

O Correlingua chega á vila de Ponteareas esta cuarta feira cunha andaina por varias rúas do centro e actividades no parque da Feira Vella. Máis de 1.400 nenas e nenos de educación infantil, primaria e secundaria de centros de ensino de Ponteareas, O Porriño, Tui e As Neves percorrerán a vila do Tea ao abeiro do Correlingua, unha iniciativa de concienciación, promoción e normalización da lingua galega nas aulas organizada pola CIG-Ensino, Asociación Sociopedagóxica Galega e a Mesa pola Normalización Lingüística