A veda do polbo estenderase durante os meses de maio e xuño
Xunta e sector contemplan unha veda de catro meses para a campaña de 2025-26, dous dos cales se subvencionarían como paro biolóxico
Xunta e sector contemplan unha veda de catro meses para a campaña de 2025-26, dous dos cales se subvencionarían como paro biolóxico
A veda do polbo na Galiza terá lugar este ano durante os meses de maio e xuño, período no que estará prohibida a captura desta especie por calquera arte e en augas tanto interiores como exteriores. A decisión foi acordada na última reunión da comisión de seguimento do plan experimental para a xestión deste octópodo. Deste modo, as embarcacións dedicadas á captura deste cefalópodo con nasas deberán retiralas do seu lugar de calado e levalas a porto a finais de abril. O tempo de veda tamén se aplica á pesca marítima de recreo e ás capturas con calquera outra arte distinta da nasa para polbo.
O Parlamento insta o Goberno galego a levar a cabo os estudos necesarios para determinar as causas da escaseza de polbo nas augas galegas. Tamén pide que, de acordo co sector, o Executivo galega proceda á revisión das condicións para estabelecer no plan experimental (número de nasas, cotas máximas de captura, período de veda e control, medidas de loita contra o furtivismo, etcétera). Por último, reclama dispor e incrementar as medidas de cobertura económica que permitan estabelecer paralizacións temporais, extensión da veda ou atender ao sector ante calquera outra decisión de recuperación da especie.
O Carballiño celebrou este domingo a xornada principal dunha festa con máis de 60 anos de tradición. Segundo datos do Goberno municipal máis de 100.000 persoas consumiron case os mesmos quilos de polbo: 80.000. Mais... por que a do Carballiño non é a Festa do Polbo xenuína?