Pazo de Meirás

O movemento memorialista galego celebra este sábado unha marcha cívica nas inmediacións do pazo de Meirás para reclamar a propiedade dos bens móbeis e exixir o fin da "impunidade franquista". O Estado deu a calada por resposta ante a petición de acceso á finca, mais a manifestación non 
se cancelou.

Os xardíns do Pazo de Meirás (Sada) abrirán ao público na última fin de semana de xuño. Foi a decisión adoptada na mañá da cuarta feira no encontro que tivo lugar entre Goberno estatal, Xunta, Deputación coruñesa e os concellos de Sada e A Coruña.

A familia do ditador rexeitou os recursos do Goberno Español e o Concello de Sada para intentar protexer elementos como as estatuas de Abraham e Isaac, do meste Mateo, do "espolio". No entanto, a Xunta e o Estado seguen sen avanzar na ampliación da declaración BIC e os mobles e outros obxectos volven correr perigo.

O Consello deu luz verde a un informe que estabelece trabas a que desaparezan estas entidades en recordo ao réxime ditatorial de Francisco Franco, cuestión que pretende a Lei de Memoria Democrática -tamén coñecida como lei Calvo- que está en anteproxecto.

A iniciativa Defende Meirás pide medidas que eviten o “expolio”

Con este argumento, o conselleiro de Cultura, Román Rodríguez, insiste en demandar a implicación do Goberno español. Por outra banda, asegurou que a declaración como Ben de Interese Cultural da Casa Cornide, para evitar máis ataques sobre o patrimonio que demanda o pobo, chegará a próxima semana.

A Iniciativa Defende Meirás convoca unha "mobilización cívica" no Pazo para o vindeiro 19 de xuño.

A lea sobre as responsabilidades á hora de defender os bens mobles do pazo ante a intención da familia do ditador de retiralos segue un día máis. Por outra parte, a Xunta anunciou hoxe que incoará este mes a declaración da Casa Cornide -tamén en mans dos Franco, que intentaron vendela- como Ben de Interese Cultural (BIC).

Hai cen anos falecía en Madrid a escritora Emilia Pardo Bazán. Unha efeméride que comezou a conmemorarse xa a finais de 2020 e que quedou ligada á recuperación do Pazo de Meirás para o Estado español, após décadas de ocupación por parte da familia do ditador Franco. O debate sobre os usos que deben dárselle ao pazo está aberto, mais tamén sobre o papel da autora coruñesa no panorama cultural e literario. 

Os Franco solicitaran formalmente a principios de mes retirar de Meirás as estatuas do Mestre Mateo e a biblioteca de Pardo Bazán.

O tribunal adopta esta decisión á espera de que se resolvan os incidentes sobre os bens e elementos que os familiares do ditador poderían sacar do inmóbel, ademais dos recursos de reposición presentados tanto polo Estado, a Xunta, a Deputación provincial e os concellos da Coruña e Sada.

O goberno español presenta dúas "cuestións incidentais" para intentar que os Franco non leven obxectos do complexo pero pide á Xunta que incoe un expediente mentres o conselleiro de Cultura, Román Rodríguez, exixe ao Estado que inicie os trámites para ampliar a declaración de Ben de Interese Cultural (BIC) do inmoble de maneira que protexa os bens.

O avogado que representa a familia do ditador vén de denunciar que lles impediron o paso para levar os bens tal e como lle permitira o Xulgado de Primeira Instancia número 1 da Coruña. "Imos denunciar esta circunstancia perante o xulgado", afirma Luís Felipe Utrera-Molina. A situación dáse a coñecer na xornada que tanto a Xunta como a Avogacía do Estado, ao igual que o Concello de Sada fixeron os seus movementos para impedir o "espolio".  

Ambas institucións realizaron movementos para intentar gañar tempo na procura dunha estratexia que impida aos Franco levar elementos que consideran do pobo. A familia do ditador xa anunciara a súa intención de retirar mesmo as estatuas de Abraham e Isaac, do Mestre Mateo, consideradas BIC. Estas últimas protagonizan unha campaña nas redes.

Os tres grupos con representación na Cámara galega consideran que esa pode ser a vía para evitar que os Franco retiren os elementos do interior do inmoble, tal e como lle permite unha sentenza xudicial. Aliás, a Avogacía do Estado pensa actuar “en breve”, se ben Iniciativa Galega pola Memoria xa lanzou unha convocatoria pública contra “a rapina”.

A Xunta afirma que a responsabilidade de iniciar unha declaración BIC que protexa os elementos é do Goberno español. Mentres Iniciativa Galega pola Memoria segue a sumar apoios para unha concentración contra "a rapina" dos Franco o próximo 19 de xuño.

A Iniciativa Galega pola Memoria (IGM) fai un chamamento á cidadanía para acudir a unha mobilización de protesta pola sentenza xudicial en favor da familia do ditador -e as peticións desta- que decorrerá o 19 de xuño.

Presentaron unha iniciativa no Parlamento galego para exixirlle á Xunta que empregue "todos os medios ao seu alcance" para evitar que a familia Franco retire os bens de interese cultural.