Patricia Janeiro

A profesora e escritora Lorena López López en Compostela (Foto: Nós Diario).
CULTURA

Lorena López: "O título do meu libro comeza cunha pregunta: Son aínda invisíbeis as narradoras?"

Lorena López López (O Páramo, 1983), filóloga e poeta, vén de publicar o traballo Ainda invisíveis? Narradoras e margens na literatura galega contemporânea (Através Editora, 2022), unha obra na que analiza a escrita de catro autoras actuais: Margarita Ledo Andión, Patricia A. Janeiro, Cris Pavón e Teresa Moure Pereiro. A autora reflexiona nesta entrevista para Nós Diario sobre esta investigación, que foi tese e agora é libro. López, con experiencia no campo literario baixo o nome de Lorena Souto, conta con dous dous poemarios Fase de trema (Espiral Maior, 2012), co que gañou o Premio Pérez Parallé, e Coleópteros (Chán da Pólvora, 2018).