Novos Valores

As obras premiadas e finalistas no certame Novos Valores que convoca a Deputación de Pontevedra poden verse agora nunha exposición, no Museo Provincial, que permite albiscar a forma de interpretar o mundo dunha nova xeración de creadoras que se moven entre o relato do propio mundo e a creación de ficcións que o expliquen, entre a expresión de preocupacións persoais e a reflexión sobre as cuestións máis apremantes para a sociedade.