natureza

O proxecto 'Phocoe-nando' da Cemma busca dar a coñecer unha especie de mamífero mariño moi descoñecida pero tamén moi ameazada na Galiza e sensibilizar sobre a situación que atravesa no momento actual. A súa poboación é difícil de estimar, mais sería até 20 veces menor á dos golfiños.

Éstá o lobo en perigo na Galiza? É o actual status de protección para o lobo o acaido para a situación desta especie no país ou debe mudarse? Debáteno este sábado nas páxinas de 'Nós Diario' o biólogo e estudoso do lobo na Galiza Martiño Nercellas e o responsábel da área de desenvolvemento rural de Unións Agrarias, Jacobo Feijóo.

Lobos, corzos, cabras montesas e xabarís abundan no Parque Natural do Invernadeiro (na comarca de Viana), e incluso chegou o oso pardo. O que non hai son persoas, nin dentro da zona protexida, nin, de seguirmos así, nas aldeas limítrofes, malia os seus ricos recursos naturais.

Visita a Camp de Ribesaltes, en Perpinyà (Catalunya).

Leva décadas percorrendo os camiños do país e desde o nacemento de Sermos Galiza, en 2012, publicando, como integrante do grupo XEA, as súas reflexións sobre diferentes lugares da xeografía física e humana galega, profundamente transformada. Agora, o economista Xoán Colazo (Candeán-Vigo, 1970), convídanos a coñecer esas experiencias no libro  de inmediata publicación, Cento doce viaxes na miña terra.

"A afirmación de que é un perigo para o gando e potencialmente para os humanos non se basea na ciencia", aseguran diferentes colectivos nunha misiva remitida á institución comunitaria.

O Goberno galego saíu presto a aplaudir o anuncio de Bruxelas a prol de rebaixar as medidas de protección para o lobo, unha demanda que a Xunta da Galiza leva abandeirando nestes anos. Mais o anuncio da UE de revisar a política para esta especie, apuntan ambientalistas e expertos, non afectaría territorios como a Galiza.

Os ecoparques como alternativa de ocio

A natureza ofrece múltiples ferramentas para aliviar as xornadas máis tórridas e combater as altas temperaturas que caracterizan a tempada estival. As opcións máis refrescantes, ademais das praias, son as pozas e as piscinas naturais que se forman no corazón dos bosques galegos. A continuación achégase un itinerario que visita lugares virxes nos que poder gozar do verán.

Da tartaruga de Florida ás herbas de coitelo, do cangrexo sinal á acacia, o visón americano ou argazo xaponés. As especies exóticas invasoras están en diferentes hábitats do territorio galego, implicando en moitos casos serias ameazas para a flora e fauna autóctona. E a súa presenza vai ir a máis.

O sabugueiro é un arbusto que pode alcanzar os 5 metros de altura, moi popular e doado de atopar na Galiza. Hoxe presume de ser un alimento rico en vitamina C e fósforo, prisioneiro aínda dun estigma moi apegado á tradición.

A edafoloxía estuda a composición e natureza do solo e a súa relación coas plantas e co que lle rodea. É a ciencia na que se move a investigadora María Josefa Fernández Sanjurjo, profesora da USC que vén de participar nas xornadas de ambientais de verán "Os catro elementos", organizadas por Adega.

O monte Pindo, localizado na súa maior parte en Carnota (comarca de Muros), constitúe un espazo paisaxístico de gran valor para a contorna, é fogar de máis de 625 especies de flora, fauna e fungos e está impregnado de lendas e historia. A asociación Monte Pindo Parque Natural leva anos loitando para que se recoñeza, precisamente, como Parque Natural.

Especies que nos visitan este mes e onde poder observalas.

Após a luz verde do lexislativo da UE, a norma negociarase cos Estados membros na procura dun acordo que permita promulgala.

Un paraíso que emerxe da ría de Vigo.

Catro millóns de hectáreas de selva foron cortadas ou queimadas en 2022 en todo o planeta. A destrución dos bosques é unha lacra que padecen case en exclusiva os países entre o trópico de Cáncer e o de Capricornio, mais que afecta toda a humanidade.