Moldova

A pesar de reiterar que non aceptaría dar este paso, Hungría -entre outros países- transixiu, polo que dará inicio o proceso de integración de Ucraína na UE, logo de recibir Budapest 10.200 millóns de euros en fondos conxelados polo bloque comunitario.

Inicia a reunión do Consello Europeo, a cimeira de líderes da UE.

A Comisión Europea recomendou hoxe aos Estados membros do bloque comunitario que na cimeira de xefas e xefes de Estado e de Goberno de decembro acepten abrir as negociacións de adhesión con Ucraína, admitindo que hai reformas pendentes no ámbito da protección das minorías e da loita contra a corrupción. A mesma recomendación efectuou sobre Moldova e Bosnia-Hercegovina, neste último caso condicionado aos avances nos criterios exixidos.

Moldova veta o acceso a 31 medios en ruso.

Kíiv reitera que aínda controla partes de Bakhmut, entrementres, as autoridades rusas comunican que rexeitaron a incursión militar que atribúen a Ucraína.

A mensaxe da alianza militar chega nun convulso momento para Moldova, con múltiples protestas pola alza das subministracións e polémicas reiteradas pola aposta gobernamental por achegarse á UE e á OTAN.

A guerra en Ucraína volveu pór Transnistria e a súa situación política no mapa, devolvendo o risco de escalada militar a esta república independente escindida de Moldova após o conflito bélico en 1992, e na que se están a producir diversos ataques cuxa autoría está en discusión.

O presidente Krasnoselski ironizou sobre que "após os ataques terroristas" da última semana "o mundo parece lembrar a existencia de Transnistria".

As autoridades dos EUA, Alemaña, Reino Unido, Canadá, Israel e Bulgaria declararon o 'código vermello' por risco de conflito en Transnistria e solicitaron á cidadanía que evite viaxar ou abandone o territorio. Nós Diario achega as chaves do conflito en Transnistria, rexión que se proclamou independente o 2 de setembro de 1990.

Mentres medra a tensión polos ataques en Transnistria, este territorio alerta de ataques que chegan desde a fronteira ucraína. Ao tempo, A OTAN deixa entrever posíbeis ataques rusos de falsa bandeira.

As autoridades de Transnistria, Moldavia, a Unión Europea ou Rusia teñen amosado a súa preocupación polos ataques rexistrados na madrugada da terza feira no territorio de Transnistria. O secretario xeral das Nacións Unidas (ONU), António Guterres, reclamou na terza feira desde Rusia "acabar coa guerra canto antes".