México

O Exército Zapatista lanza un ultimato ás autoridades estatais e federais.

O Supremo do país norteamericano emite un fallo de obrigado cumprimento para todos os xuíces mexicanos, que garante o dereito a abortar na primeira etapa do embarazo.

Tal día como hoxe de 1521 consumábase a toma da capital dos mexicas. A fin do imperio azteca. Os historiadores salientan a complexidade para contextualizar aquela época, mais nacional e politicamente para México supón un feito fundacional. No entanto, da outra beira do Atlántico, a actual España non se dá por aludida.

O Escuadrón 421 do EZNL, que atravesa o océano Atlántico no veleiro 'La Montaña', recalou a pasada semana nas illas Açores.

As reivindicacións do Día Internacional das Mulleres, os motivos para saír ás rúas a protestar, continúan a estar vixentes. A desigualdade e a violencia machista non desapareceron dunha semana para outra. O 8-M segue a ser necesario alén do 8 de marzo. 

A invisibilidade que o labor científico da muller ten sufrido ao longo da historia ten un nome: o efecto Matilda. Porén, os homes nesgan e atribúense os éxitos e os descubrimentos das mulleres non só no eido científico. Toda actividade humana na que ela ten participado sufriu ao longo dos séculos idéntico resultado. Mesmo na fotografía. O desleixo pola obra das nosas primeiras fotógrafas comeza agora a ser reparado e os seus nomes a ser relembrados. As súas fascinantes historias espertan por fin para servirnos de exemplo.

Cada vez será menos habitual escoitar ou comentar discos. Refírome a escoitalos como se fosen novelas, non por capítulos soltos, senón páxina a páxina até chegar á palabra "fin". Agora o que vén pisando forte son as listas de reprodución, aí é onde está a fama, o cartiño. 

Ciudad Juárez, no Estado de Chihuahua, é a urbe onde máis feminicidios se produciron durante o ano 2020.

Delegacións zapatistas a todos os continentes.

Hai 23 anos a aldea mexicana de Acteal, no Estado de Chiapas, viviu un dos máis sanguentos episodios de violencia por parte do Estado no marco da estratexia do Goberno para acabar co Exército Zapatista. 45 persoas membros de Las Abejas, un grupo cristián e antineoliberal, foron vítimas colaterais daquela guerra sucia.

"Non se pode traficar coa saúde da xente", sostivo, mais puntualizou que "non estou de acordo con iso", en referencia ao proxecto de lei presentado no Senado pola súa formación, Morena. 

As medidas aprobadas por México para atallar a epidemia de obesidade están a bater coa oposición dos EUA ou da UE, economías que albergan as maiores produtoras de alimentos do mundo. O 1 de outubro debe entrar en vigor a nova norma de etiquetaxe da 'comida lixo', mais compañías como Nestlé presionan por unha moratoria.

A xustiza mexicana investiga a compra do estaleiro vigués de Barreras pola empresa Pemex 

En Italia, en México ou no Brasil, durante estas semanas de corentena, o crime organizado estivo a aproveitar a debilidade conxuntural ou estrutural dos Estados para desenvolver unha "estratexia de propaganda" nos barrios máis pobres. É aquí onde a súa actividade de contaxio ten máis posibilidades de éxito.

Antes de que Emilio Lozoya entrase en escena nas negociacións con Pemex, era Juan Camilo Mouriño, o fillo do presidente do Celta, quen intercedía para lograr os acordos da Xunta con Pemex.

O Congreso de Iucatán aproba por unanimidade o ensino obrigatorio da lingua maia nas escolas deste Estado federal de México.

Oaxaca converteuse esta cuarta feira 25 de setembro na segunda entidade de México, 12 anos despois da capital, en despenalizar o aborto. O Estado, de case catro millóns de habitantes e situado no sur do país, permitirá a interrupción voluntaria do embarazo durante as 12 primeiras semanas de xestación.

"Non me falta valor, non son un covarde nin timorato, senón que actúo por principios: creo na política que, entre outras cousas, se inventou para evitar a confrontación e a guerra", escribiu o presidente de México, Andrés Manuel López Obrador (AMLO) nunha misiva a Donald Trump. Washington anunciou esta quinta feira a imposición de gravames (un arancel de 5 por cento) ás exportacións mexicanas. Os EUA responsabilizan o executivo do país azteca da chegada de inmigrantes irregulares a solo norteamericano.

Asesor político no seu día na Galiza, Paulo Casal é agora director do xornal mexicano AM Querétaro, cabeceira dun dos estados que máis está a medrar industrialmente no xigante centroamericano.