memoria

Edelmiro Méndez deixou tras de si un arquivo fotográfico inmenso a través do que achegarse á Galiza do século pasado. Unha obra de gran valor etnográfico que a editorial Canela publica co título 'Edelmiro Méndez. Da Terra que fomos'. O libro recompila o traballo deste fotógrafo da Pontenova (A Mariña) realizado entre 1957 e 1964 e conta coa colaboración de Xosé Manuel Méndez, fillo do fotógrafo. Será presentado hoxe, ás 20.30 horas na Casa da Cultura da Pontenova.

Proxectos audiovisuais, un xogo de cartas, espectáculos, unha colección de roupa, cantigas, murais e ata un escape room son algúns dos proxectos escollidos no II Certame ‘Fondo de proxectos culturais do Reino da Galiza’ da Deputación da Coruña. 
 

Un monumento conmemorará a cinco homes asasinados durante a Guerra Civil en Salvaterra, dos que se descoñece a identidade.

Xurxo González naceu na Patagonia arxentina, desde a que migrou a Vigo con 13 anos, cando a xente da Galiza embarcaba para facer a mesma travesía en sentido contrario. Agora, con 81 anos, recolle todas estas lembranzas en 'Memorias de Xurxo O americano', libro autoeditado que será presentado hoxe na libraría Cartabón (Vigo) ás 20 horas.

O Concello inaugurou unha placa e realizou un acto no que participaron o arqueólogo Xurxo Ayán e a poeta e ensaísta Olga Novo.

A Ponte de Cans, na parroquia de Nebra (Porto do Son), acudiron veciñas e veciños da comarca de Noia con motivo do acto convocado polo BNG para lembrar as mártires de Nebra, a revolta de labregas e labregos que hai 107 anos se rebelaron contra un tributo á actividade agraria que consideraban inxusto.

84 anos despois dos asasinatos, o Comité de Memoria Histórica da Comarca de Celanova logra contactar cunha bisneta de Mariano e unha sobriña de Baldomero, que mostraron a súa disposición a someterse ás probas de ADN.

Na década de 1960 levou as reivindicacións do nacionalismo galego a diferentes personalidades como os daquela dirixentes da República española no exilio, Luis Jiménez de Asua e Claudio Sánchez-Albornoz.

Flor Baena, irmá de Humberto: "Case un ano despois da entrada en vigor da Lei de Memoria, non recibín comunicación algunha para, 48 anos despois, poder limpar o nome do meu irmán dunha vez por todas".

Con 60 anos o historiador Dionísio Pereira (A Coruña, 1953) puxo en marcha un blog persoal que agora con 70 vén de ampliar e transformar nun sitio web onde dá conta da súa traxectoria como investigador. 'Na volta do camiño' condensa o seu compromiso coa memoria dunha Galiza rebelde.

"7.000 familias cántabras non saben onde teñen enterrados aos seus mortos. A lei non é para vítimas dun bando, é un tema de xustiza", defenderon desde o PSOE.

Representantes de entidades da Galiza en América mantiveron esta segunda feira un encontro en Rianxo.

Serían os corpos de Francisco Miguel Fernández Díaz, Juan Boedo Pardo, Pedro Pinilla Calvete e Pedro Pinilla Fraga, que presentan "evidencias de morte violenta".

Os arqueólogos que dirixen a exhumación dunha foxa común da Guerra Civil no cemiterio de Bértoa, en Carballo (comarca de Bergantiños) atoparon esta quinta feira os primeiros restos de violencia, como cascos de bala. A Asociación para a Recuperación da Memoria Histórica explica que o lugar do achado fora sinalado por unha veciña. Alí espérase atopar os restos de catro persoas asasinadas polos franquistas.

Ferrolterra, Eume e Ortegal aínda contan con pegadas do franquismo. No Museo Naval de Ferrol existen até 16 exemplos de simboloxía franquista: "É un museo de exaltación do franquismo cuns textos propios da ditadura", censura Manuel Monge.

Paula Carballeira vén de recibir o Premio Nacional de Literatura Dramática pola súa obra 'As alumnas' (Galaxia), unha peza que recupera a figura da mestra depurada María Barbeito e da que o xurado destacou que "constitúe un eloxio do maxisterio que ensina sobre a dúbida e o debate" e "os seus valores dramáticos, a riqueza de matices e pola recuperación dunha muller referente para o ensino galego, símbolo da educación moderna, igualitaria e transformadora que propuña a Segunda República".