mártires

A homenaxe terá lugar o día 27 de abril, ás 11:30 horas.

Os sucesos de Sobredo convertéronse nun símbolo da dignidade labrega na Galiza

O decano da Facultade de Filoloxía da Universidade de Santiago de Compostela, Elías J. Torres Feijó, intervirá este domingo, 26 de novembro, na homenaxe que o Instituto de Estudos Agrarios Mártires de Sobredo (Ieamso) organiza no 101 aniversario do asasinato de tres campesiños que se mobilizaban contra o pagamento das rendas forais que se mantiñan sobre as terras. Nós Diario conversa co decano arredor da memoria histórica galega. 

A traballadora en Palestina Carme Al-Rafiq analiza para 'Nós Diario' os asasinatos de poboación palestina no que vai de 2023.

Hoxe, 23 de abril, é o 175 aniversario da considerada como máis importante batalla da Historia da Galiza contemporánea: a Batalla de Cacheiras (Teo), no marco da Revolución Galega de 1846, cando os galegos comandados polo xeneral Solís se sublevaron contra o centralismo español. Os protagonistas dun dos feitos máis silenciados na historiografía acabaron sufrindo o exilio, torturas e a morte.

"Viva a unión de labregos e traballadores", un berro que a cinco campesiñas e campesiños lles costou a morte. Un ano máis, o BNG de Porto do Son organiza a homenaxe ás mártires de Nebra, xunto con familiares e veciñanza. Será a segunda feira, 12 de outubro, ás 17 horas ao pé do monólito situado na ponte de Cans, na parroquia de Nebra.

A conmemoración anual dos sucesos de 1922 conectou, coa intervención do investigador Carlos Babío, a defensa dos dereitos labregos que tamén tivo lugar en Meirás.

Con motivo do Día da Galiza Mártir recuperamos a memoria daquelas mulleres que sufriron crimes de xénero durante a represión: agresións sexuais, torturas e vexacións brutais. Aínda que esta modalidade de represión non adoitaba ser obxecto de denuncia por pudor ou vergoña, chegaron até nós testemuños do sadismo sexista.

Hai setenta anos púñase fin ao actuar da guerrilla na Mariña. O 21 de xuño de 1949 na bouza do Forcón, na Pena Grande de Silán, concello de Muras, un operativo da Garda Civil e da contrapartida asasinaba cinco loitadores antifascistas e daba por fechado o libro heroico da IV Agrupación nas terras mariñás.

O 16 de abril de 1949 un grupo de militantes do Destacamento Eive Carbón da IV agrupación do Exército Guerrilleiro de Galiza é cercado pola Guarda Civil na Vila da Igrexa, en Cerdido, morrendo no combate Xosé Vilariño Fernández, Xosé Felpeto Gómez e Perfecto Castro Martínez “Tereso”.

Hai cen anos, falamos do 16 de febreiro de 1919, a Garda Civil abría fogo contra un grupo de persoas que protestaban na parroquia de Sofán, no concello de Carballo. A política do mauser volvía facerse presente na Galiza como sostén do réxime da I Restauración, provocando ducias de feridos e catro mulleres mortas que desde aquela serán para nós as mártires de Sofán. Carballo honra hoxe sábado ás 'Mártires de Sofán'.

Máis un ano, este lugar de Tui acolleu a xornada de actos para recordar os sucesos de 1922, cando tres veciños morreron a mans da Garda Civil no marco da loita contra os foros.

 

O 28 de novembro de 1922, no lugar de Sobredo (Tui), a garda civil disolvía a tiros unha manifestación contra o embargo a un veciño que se negara a pagar as rendas dun foro. Dous veciños, Joaquín Estévez e Venancio González, e unha veciña, Cándida Rodríguez, eran asasinados por defenderen a dignidade dos labregos e das labregas.

O 12 de outubro é día de reivindicación na Galiza, un día para render homenaxe ás seis vítimas mortais masacradas en Nebra (Porto do Son) pola Garda Civil cando se manifestaban contra un gravame inxusto e abusivo.