O Ministerio de Cultura e Deporte vén de distinguir a longametraxe documental Nación como película “especialmente recomendada para o fomento da igualdade de xénero”.
O cuarto filme de Ledo Andión “conta a historia das mulleres galegas que conseguen facerse un oco no tecido industrial, a súa relación co campo, a súa memoria, a súa fortaleza”. Tráiler no interior
![[Imaxe: Natalia Porca] Margarita Ledo](/asset/zoomcrop,480,270,center,center/media/nosdiario/images/2017/11/14/2017111413094341185.jpg)
![[Imaxe: Laura R. Cuba] Margarita Ledo](/asset/zoomcrop,480,270,center,center/media/nosdiario/images/2018/01/24/2018012417230823997.jpg)
A Facultade de Ciencias da Comunicación da USC acolle esta segunda feira o primeiro Seminario de Comunicación e Xénero. Está organizado polo Grupo de Estudos Audiovisuais e dirixido pola súa coordinadora Margarita Ledo Andión.
A lingua que nos representa é tamén a que nos expresa; é a lingua que unha sociedade teceu ao longo do tempo á par que se constituía como tal ao se facer consciente do territorio, do aproveitamento de recursos, de acordar certos valores, iso que dicía Saint Just, de sentirmos o mesmo sobre o ben e o mal. Xa que logo, a lingua galega non pode ficar á marxe dunha práctica que iguala, a da información; da liberdade para expresar opinión; do dereito a comunicar.
Margarita Ledo Andión (Castro de Rei, 1951) é a primeira muller que gaña o premio Otero Pedrayo, convocado pola Xunta e as catro deputacións –de maneira rotatoria–. Directora que transita a modernidade cinematográfica e explora as paixóns do real do século XX, escritora sen concesións á narratividade convencional, catedrática de Comunicación Audiovisual e académica, Ledo Andión dubida do lugar dos recoñecementos na cultura galega pero agradece o que leva o nome dun intelectual decisivo na súa formación.
Ao seu regreso do exilio en Portugal, a xornalista Margarita Ledo (Castro de Rei, 1951) ideou e dirixiu o semanario A Nosa Terra entre 1977 e 1980. Con motivo do 101 aniversario da saída de A Nosa Terra, resgatamos a entrevista publicada no semanario Sermos Galiza 222. NO INTERIOR, FACÍSÍMILE DO PRIMEIRO NÚMERO DO SEMANARIO.
Os éxitos de crítica e festivais do denominado Novo Cinema Galego foron acompañados, desde o inicio, dunha atenta pescuda teórica e académica. Esta quinta feira, 14 de setembro, a facultade de Filosofía da Universidade de Santiago acollerá a primeira das dúas xornadas consecutivas que cineastas, investigadoras, produtoras ou profesoras dedicarán a "pensar o Novo Cinema Galego".
Organizadas pola Asociación Nordés, a quinta feira, 24 de agosto, arrancan no concello de Mañón as VII Xornadas Memoria dun tempo, que este ano se centran nas mulleres.
Afirmaba Castelao que o 25 de Xullo era “a festa maior dos galegos”. Unha xornada reivindicativa ideada polas Irmandades da Fala en 1920 e recuperada en 1968 pola Unión do Povo Galego (UPG), quen resgatou a data na denominación e no contido. Contamos co testemuño daquela primeira década de conmemoración do Día da Patria da voz de Bautista Álvarez, Xesús Sanxoás, Saleta Goi, Xosé Estévez, Lois Diéguez, Maite Caramés, Margarita Ledo, Pilar Allegue, Francisco Rodríguez e Vicente Vázquez. Recollémelo no Sermos Galiza 255.
![[AELG] Margarita Ledo](/asset/zoomcrop,480,270,center,center/media/nosdiario/images/2016/10/21/2016102118100828366.jpg)
O 4 de maio comezou o Festival Internacional de Documentais de Madrid, que este ano inclúe unha retrospectiva sobre a obra de Margarita Ledo, cineasta e catedrática de audiovisual, ademais de fundadora da produtora Nós.
