Luar na Lubre

Será o vindeiro sábado 23 de marzo no marco dun grande espectáculo organizado polos cataláns Opus One.

Encrucillada recolle varias das cancións máis emblemáticas do grupo coruñés.

Bieito Romero bota contas e recapitula: "Unha media dun disco cada dous anos é algo extraordinario". En realidade, a conta dá unha media máis positiva, porque en trinta e sete anos saíron vinte discos. O que completa a vintena, 'Encrucillada', publicouse estes días en formato disco-libro, nunha edición a cargo de Baía, a modo de recapitulación actualizada dunha traxectoria que tivo moito que ver coa internacionalización da música galega.