Listas de espera

As listas de agarda estanse cronificando en Atención Primaria. Os datos achegados polo Barómetro Sanitario do Ministerio de Sanidade de 2022 sinalan que 83,8% das galegas e galegos tiveron que agardar para conseguir unha cita co seu médico de cabeceira. O tempo de espera de 37,6% deles foi superior a seis días.

Actualmente, o centro hospitalario conta con catro profesionais da oftalmoloxía, pero só se pasan tres consultas.

Un de cada tres pacientes da sanidade galega en lista de agarda son o que se denomina "de longa espera", é dicir, que levan máis de 60 días pendentes dunha consulta cun médico ou médica especialista e máis de seis meses en caso dunha intervención cirúrxica. Atópanse nesta situación o 34,4% dos pacientes.

As cifras oficiais confirman a situación de colapso sanitario denunciado polos colectivos en defensa da sanidade. Un total de 362.016 persoas agardan por unha cita hospitalaria dentro dunhas listas de espera que non deixan de medrar desde 2014. A maiores, atópanse as incorporadas ás listas non estruturais.

46.653 persoas agardan por unha cirurxía no sistema sanitario galego, o que representa 17,3 doentes nesa situación por cada 1.000 habitantes. O número de pacientes en lista de agarda tense incrementado no último ano en perto de 15,4%. Asemade, os tempos de espera xa chegan a 75 días.

 

A taxa media de habitantes nesta lista de agarda é de 16 por cada 1.000 habitantes no Estado mentres que na Galiza sube até os 17,7.

As listas de agarda non deixan de aumentar nos diferentes niveis da atención sanitaria. O propio presidente galego recoñeceu este problema na última sesión de control no Parlamento. Porén, as previsións recollidas na memoria dos Orzamentos da Xunta para o ano 2023 adiantan un novo incremento dos tempo de espera.

O tempo medio de espera é hoxe de 75,6 días nos hospitais públicos do país, mentres ao remate de 2019 era de 54,5 días.

A falta de persoal médico do sistema sanitario público galego está a provocar longas colas de agarda á hora de acceder a certos servizos. Este é o caso de Matheo Sobrino, un rapaz de seis anos que leva a metade da súa vida agardando por un diagnóstico. O seu pai explica a Nós Diario cal é a situación do seu fillo.

O tempo de agarda para a resolución dos expedientes de dependencia non deixa de medrar na Galiza. Mentres no Estado os prazos reducíronse no último ano en nove días, na Galiza a demora incrementouse en 44 días. O escaso investimento en dependencia da Administración galega explica a situación.

Unha cuestión son as listas de agarda publicadas pola Xunta da Galiza e outra a realidade dos tempos de espera. Mentres a Administración divulga os datos das coñecidas como listas estruturais, garda silencio sobre as denominadas non estruturais. Os tempos de agarda superan nalgúns casos os tres anos.

A detección temperá de cancro caeu de forma notábel durante a primeira vaga da Covid. A pandemia consolidou os atrasos na realización de probas diagnósticas vitais para as e os pacientes oncolóxicos, que seguen a denunciar atrasos no seu seguimento. As demoras reais, din, superan os tempos de agarda recoñecidos polo Sergas.

Ao remate de 2021 había máis de 193.622 persoas agardando por unha primeira consulta, case 70.000 máis que en 2020.

A situación das listas de agarda chegou onte ao Parlamento da Galiza. Mentres as persoas usuarias da sanidade pública sitúan como primeiro problema o tempo de espera para conseguir unha cita médica, o Goberno galego insiste en defender políticas que teñen provocado atrasos na atención de máis de dous anos.

Unha de cada dez intervencións cirúrxicas entre 2017 e 2021 foron derivadas a hospitais privados da Galiza. Na área sanitaria de Ferrol foron 28% das cirurxías.

O xerente do Servizo Galego de Saúde (Sergas), José Flores, vén de recoñecer os atrasos nas listas de agarda. Até 2023 non se recuperarán os tempos de espera anteriores á pandemia, dixo, sinalando que “serán necesarios dous anos” para volver á normalidade preCovid. Neste sentido, 43.914 persoas agardan por unha cirurxía e 193.622 por unha consulta hospitalaria, o que implica que 236.816 persoas están en lista de espera nos hospitais galegos.

José Flores recoñece que houbo que realizar unha  reprogramación de cirurxías e citas.

O investimento en Atención Primaria da Xunta da Galiza sitúase en 182, 3 euros por habitante. Mentres no conxunto do Estado o diñeiro destinado a sufragar os servizos sanitarios non hospitalarios e especializados representa o 14,2% do gasto total en saúde, na Galiza esa cifra colócase en 11,9%. Así as cousas, o Goberno galego só supera en esforzo inversor en Atención Primaria ao Executivo madrileño e o das Illes Balears, ficando moi lonxe dos territorios de cabeza como Estremadura ou Castela-A Mancha. Os déficits na calidade asistencial teñen unha explicación clara

O Servizo Galego de Saúde atópase á cola do Estado en número de psicólogos clínicos.

A Asociación de Pacientes do CHUS denuncia o caso dun paciente que estivo 813 na lista de agarda estrutural malia que nos últimos rexistros do Sergas non figuraba ningunha persoa na listaxe de uroloxía deste hospital con máis de doce meses de espera.