lei do xogo

A Galiza xa ten nova Lei do Xogo, que substituirá á vixente, que data de 1985. Unha lei "adaptada ao século XXI", segundo o PP; mais unha lei "decepcionante" para o BNG e o PSdeG, que lamenta "unha grande oportunidade perdida" dunha mellor regulación do sector e da actividade.

1.500 persoas solicitaron en 2021 na Galiza ser excluídas das apostas online, unha media de catro ao día e unha cifra a sumar ás máis de 1.600 que pediron oficialmente que non se lles permita acceder aos salóns de apostas no país. O proxecto de Lei do xogo, que onte se admitiu a trámite na Cámara, permite abrir 15 locais máis.