A Palma

A Asociación de Organizacións de Produtores de Plátanos de Canarias editou unha etiqueta especial que inclúe a imaxe da erupción de La Palma. O obxectivo desta iniciativa é que as e os consumidores comprendan o motivo dos "danos estéticos" neste froito.

A xeógrafa Susana Trigo debulla polo miúdo o que é a actividade volcánica e como unha ocupación do territorio á marxe do coñecemento científico inflúe na visión e interpretación desta actividade natural.  

Malia a espectacularidade das imaxes e o temor que trasladaron á cidadanía, o Instituto Volcanológico de Canarias (Involcan) quixo trasladar unha mensaxe de tranquilidade. Afirma que o sucedido entra dentro do comportamento normal dun volcán.

Os científicos despregados na illa da Palma xa están a vixiar a aparición dunha nova coada que se orixinou a pasada noite na zona do cono secundario e que discorre nestes momentos cara ao mar, de forma paralela á coada principal.

A suba do salario mínimo é de 15 euros mensuais con 14 pagas desde o 1 de setembro. Con respecto á situación na illa da Palma logo da erupción volcánica, pactouse unha partida de 10,5 millóns de euros para os gastos máis urxentes.

O Consello de Ministros que decorreu onte sen a presenza de Pedro Sánchez, que se atopa na illa canaria da Palma, tratou as previsións macroeconómicas que acompañarán os OXE de 2022.

Oito días e 25.000 sismos despois, o volcán do Cumio Vello (A Palma, Canarias) entrou en erupción. Até un cento de casas foron afectadas por linguas de lava que alcanzan os 10 metros de altura e discorren a 700 metros por hora. Malia que aínda non hai estimacións, as autoridades apuntan a "danos cuantiosos".

A erupción pode durar "varias semanas, mesmo meses", segundo os expertos.

O comezo dunha serie sísmica no sur do territorio da illa canaria da Palma puxo en alerta as autoridades insulares, que están seguindo a situación tras decretar o nivel amarelo de risco na rexión que acumula a maioría dos tremores de terra, unha década despois da erupción na veciña illa do Hierro.