Jozi de Oliveira

Regresa a competición con maior peso da representación galega, a Primeira División de Fútbol Sala Feminino, e faino cun choque no que o líder, Pescados Rubén Burela, visita o STV Roldán de Murcia (sábado, 18 horas) sabendo que será o primeiro no que non estará baixo os paus a lendaria Jozi de Oliveira, logo da despedida a pasada fin de semana da porteira brasileira. Antes, ás 11, o Poio Pescamar abrirá a décimo oitava xornada na Seca contra o Móstoles coa firme intención de recuperar a senda da vitoria catro semanas despois. Xa ás 17 será a quenda de Ourense OnTime, que colide no Paco Paz precisamente co último verdugo poiense, Les Corts. Para as 18 queda o Torcal-O Castro e ás 19.30 baixan o pano na Coruña Amarelle e Maxadahonda.

A porteira brasileira será homenaxeada en Vista Alegre antes e despois do partido.

A veterana porteira pon fin a 14 anos no club.

A veterana gardameta do Pescados Rubén, Jozi de Oliveira (Chapecó, Brasil, 1982), continúa a ser un dos piares do mellor equipo de fútbol sala do mundo, como vén de demostrar na recente fase final da Copa da Raíña, onde tornou en heroína laranxa nunha especialidade que non é a súa: os lanzamentos de penalti.