Celta, Depor e Lugo xogan este sábado coa mesma camisola, a de Nunca Máis, no partido de Galiza contra a decisión xudicial que deixa sen castigo a catástrofe do Prestige. Balaídos e Riazor, no minuto 10 dos respectivos partidos, berrarán contra a impunidade.
O 1 de decembro fanse once anos da histórica manifestación que colapsou Compostela. A prensa internacional deu a cifra de 300.000 persoas. Unha maré humana (e de paraugas) exixiu a demisión dos responsábeis políticos do 'Prestige' e a declaración da Galiza como zona catastrófica. 1 de decembro é este domingo. Nunca Máis convoca protestos outravolta. Desta, para berrar contra a impunidade.
Nunha acción silenciosa un grupo de moz@s cubriron de negro esta quinta feira as escaleiras da Praza da Quintana en Compostela baixo o lema 'Nunca Máis impunidade'. A plataforma Nunca Máis convoca mobilizacións este domingo nas vilas e cidades do país.
Peñas do Celta, do Depor e do Lugo comparten unha petición para as afeccións galegas nesta fin de semana: que no minuto 10 dos respectivos encontros os berros e as bandeiras de Nunca Máis enchan as bancadas dos estadios.
O grupo municipal do PP na Coruña impediu esa segunda feira que se debatera unha moción presentada polo BNG para "evitar a impunidade da marea negra do Prestige". Á saída do pleno o alcalde, Carlos Negreira, dixo sentirse "indignado" pola sentenza.
![Xavier Vence [Imaxe: SG]](/asset/zoomcrop,480,270,center,center/media/nosdiario/images/2013/11/14/2013111417173237122.jpg)
A organización frontista denunciou que a sentenza do Prestige deixa "os responsábeis impunes" e chama á cidadanía a tomar parte das mobilizacións convocadas para "erguer a bandeira da dignidade" fronte un poder xudicial que, din, "non e capaz de repoñer a xustiza".
Descoñecidos entraron no bufete de Gustavo García, xurista da Fundación Galega contra a Impunidade. No bufete, acoitelaron cadros e deixaron excrementos no chan, para alén de pintadas como 'Viva el fascio'.
Arredor de cincocentas persoas reclamaron en Montecubeiro o fin da impunidade e a penalización da apoloxía do franquismo. A só uns vinte quilómetros de Baralla, a homenaxe ás vítimas do franquismo clamou tamén pola xustiza coa súa memoria.
Debo recoñecer que a estas alturas non é doado que haxa actuacións da Consellería de Educación que me resulten sorprendentes. Son tantas, permanentes e disparatadas as que levamos soportado que xa a un lle parece que está inmunizado ante tanta impostura, engano e demagoxia que emanan dunha Consellería que, baixo a batuta de Jesús Vázquez, usa constantemente, de maneira perversa, os medios institucionais e de comunicación e os recursos públicos para atacar o idioma e calumniar impunemente a organización maioritaria do profesorado galego, a CIG-Ensino. Mais a última deixoume abraiado.
O centro social A Casa do Vento acolle esta quinta feira a presentación dun colectivo de familiares de persoas falecidas baixo custodia policial e carceraria. O seu obxectivo: esclarecer a morte dos finados e dar apoio persoal, xurídico e contestatario ás familias en circunstancias similares
Avoas e Nais da Praza de Maio, os colectivos de mulleres que saíron na busca de fill@s e net@s que a ditadura militar roubou ou fixo desaparecer non dan por finalizada a súa loita coa morte de Videla. Reclaman abrir arquivos e poñer fin á impunidade e lamentan que o ditador morrera sen se arrepentir e sen confesar onde están os seus seres queridos. Valoran, pola contra, que atopase o seu fin no cárcere, onde cumpría condena perpétua.
Avoas e Nais da Praza de Maio, os colectivos de mulleres que saíron na busca de fill@s e net@s que a ditadura militar roubou ou fixo desaparecer non dan por finalizada a súa loita coa morte de Videla. Reclaman abrir arquivos e poñer fin á impunidade e lamentan que o ditador morrera sen se arrepentir e sen confesar onde están os seus seres queridos. Valoran, pola contra, que atopase o seu fin no cárcere, onde cumpría condena perpétua.
