identidade

A lingua que nos representa é tamén a que nos expresa; é a lingua que unha sociedade teceu ao longo do tempo á par que se constituía como tal ao se facer consciente do territorio, do aproveitamento de recursos, de acordar certos valores, iso que dicía Saint Just, de sentirmos o mesmo sobre o ben e o mal. Xa que logo, a lingua galega non pode ficar á marxe dunha práctica que iguala, a da información; da liberdade para expresar opinión; do dereito a comunicar.

BNG, En Marea, Compromiso por Galicia e Ciudadanos son as forzas políticas que concorren ás eleccións galegas que se comprometeron a aprobar o decálogo de medidas impulsadas por media decena de colectivos Trans do país, que buscan desenvolver unha Lei Galega de Identidade de Xénero. PSdeG e PSOE desbotaron asinar o documento.

A Lei Galega de Identidade de Xénero é a principal reivindicación das diferentes entidades que forman parte do tecido Trans de Galiza de cara ás eleccións galegas. Estas asociacións reclaman o recoñecemento da identidade de xénero en todos os ámbitos da vida, así como unha carteira de servizos e políticas públicas a favor da inclusión das persoas trans na sociedade.

Quen non viu a estas alturas o vídeo de Nós, Candidatura Galega  no que se recolle o bico entre Jorquera e Callón para reivindicar as liberdades sexuais e os dereitos de todos e todas? Esta peza forma parte da campaña creativa da coligazón. Descubrimos que hai detrás da idea.

A Área de Deporte da Deputación de Lugo, que xestiona o BNG, aporta o único apoio institucional para o partido da selección galega coa de Occitania que se celebrará en Lugo o próximo 28 de decembro, organizado por Siareiras Galegas. O vicepresidente da institución, Antonio Veiga, explícanos o que significa en canto aposta pola identidade propia e apunta as liñas de actuación en política deportiva do organismo, o que máis inviste en deporte de todo o Estado. 

O albariño é paisaxe, patrimonio, literatura. Cultura da cultura, di o fotógrafo Xurxo Lobato que presentou o libro Rías Baixas. O viño do mar co que a  Denominación de Orixe Rías Baixas conmemora o seu vintecinco aniversario. A través de 265 imaxes, Lobato ofrece a  crónica visual  dun viño que, ao seu ver, contribúe a criar identidade galega.