historia

Familiares e membros do Ateneo Amado Garra fixeron unha ofrenda floral en memoria do lider agrarista e republicano ponteareán.

Syra Alonso e Francisco Miguel formaron un deses tándems artísticos asociados á efervescencia cultural das vangardas do século XX. Emprenderon as viaxes da arte e voltaron á Galiza da etapa republicana habitando unha elocuente Casa da Felicidade no porto de Santa Cruz (Oleiros). Unha felicidade que quedou sepultada en setembro do 36. A Asociación pola Recuperación da Memoria Histórica vén de realizar os traballos na fosa común dos represaliados entre os que se atopaba Francisco Miguel.

Homenaxean Héitor Picallo polos seus múltiplos estudos sobre diferentes aspectos da Galiza medieval.

Baixo a autoría e asesoramento de ducias de especialistas, Nós Diario publicou 30 castelos e torres galegas para descubrir un reino, un coleccionábel extraordinario, editado para celebrar os 1.000 números do diario, que valoriza o patrimonio, a historia e a contorna territorial dunhas construcións que retratan unha parte importante da identidade da Galiza. Esta terza feira rematan as entregas deste coleccionábel con 512 páxinas.

O Instituto de Estudos Agrarios Mártires de Sobredo organiza unha homenaxe na que intervirá o profesor Elías Torres Feijóo, decano da Facultade de Filoloxía da USC.

Ao sur da liberdade é a primeira incursión do catedrático de Filoloxía Galega Xosé-Henrique Costas na ficción. A vida do caudillo muladí Muhammad ibn Marwán Al-Galiqí, alcumado 'O Galego', dá pé a un relato que, en forma de novela, debuxa un panorama do medievo peninsular que desafía os tópicos da historiografía. Hoxe presénta o volume na Libraría Librouro de Vigo.

Esta cuarta feira, o historiador Miguel Cabo presentaba en Tui a súa biografía de Basílio Álvarez coincidindo co 80º aniversario do pasamento dunha das máis carismáticas e contraditorias figuras da Galiza de comezos do século XX. Nós Diario conversou con Cabo sobre "o cura de Beiro".

O Arquivo da Familia contén documentación que abrangue de 1762 até 1978.

A exposición coloca nun mesmo escenario o Vigo industrial e o editorial, a influencia do Cable Inglés nos costumes e no lecer, o Vigo da Movida ou do Grupo Atlántica, e o Vigo do mar e as lendas.

Afondarán nas potencialidades da historia e do patrimonio locais.

Miguel García-Fernández é licenciado en Historia coas especialidades de Historia medieval e Historia moderna (USC, 2011) e con grao (USC, 2012), así como experto en Estudos Medievais Europeos (USC, 2012). Colabora no coleccionábel '30 Torres e Castelos para descubrir o Reino da Galiza' e, a respecto desta publicación, conversa con 'Nós Diario' sobre a súa importancia así como a riqueza da historia da Galiza.

Proxectos audiovisuais, un xogo de cartas, espectáculos, unha colección de roupa, cantigas, murais e ata un escape room son algúns dos proxectos escollidos no II Certame ‘Fondo de proxectos culturais do Reino da Galiza’ da Deputación da Coruña. 
 

A historiadora Ana Cabana (Castro de Rei, 1976) analiza en 'Cento cincuenta mulleres e ningún home' o papel da muller rural nas protestas sociais no campo galego durante o franquismo. O artigo, publicado en 2021 na revista 'Historia Social' vén de recibir o premio á introdución da perspectiva de xénero convocado pola USC.

Néstor Rego defende trasladar ao noso País o códice que contén esta obra medieval galega, albergado na Biblioteca Nacional de Madrid, para a súa conservación, valorización e exposición pública.

O Museo do Pobo Galego exhibe desde onte as pezas que pertenceron ao Museo de Galicia do Seminario de Estudos Galegos (SEG), nun itinerario que visa a recuperar a memoria da institución no ano do seu centenario. A mostra exhibe pezas que recuperan a cultura tradicional galega e que foron rescatadas polo SEG segundo os parámetros europeos da etnografía máis avanzada na altura.

Justo Beramendi, Ramón Villares, Henrique Monteagudo son algúns dos participantes nesta cita que arrinca hoxe  en Santiago. 

Con 60 anos o historiador Dionísio Pereira (A Coruña, 1953) puxo en marcha un blog persoal que agora con 70 vén de ampliar e transformar nun sitio web onde dá conta da súa traxectoria como investigador. 'Na volta do camiño' condensa o seu compromiso coa memoria dunha Galiza rebelde.

Ao se cumpriren 90 anos da participación galega no IX Congreso de Nacionalidades Europeas cómpre unha mirada para contextualizar aquel evento que permitiu unha importante e primeira participación internacional significativa do galeguismo e enxalzar a súa transcendencia para Galiza. Representou tamén un importante recoñecemento de Plácido Castro como integrante do núcleo duro do Partido Galeguista, onde asumiría a secretaría de relacións internacionais.