star
MEMORIA E HISTORIA
'City of Agra', décimo sexta entrega do coleccionábel 'A historia marítima baixo as nosas augas'
25/feb./22
Poucos barcos deixaron tan fonda pegada na historia como o 'City of Agra' entre Arou e Camelle. Da súa variada carga destacaban gaiolas que ían ser empregadas para capturar animais salvaxes na India, destino final deste buque mixto que saíu de Glasgow, facendo escala en Liverpool, que ao ir deixando pola popa as illas británicas sufriu na súa viaxe un temporal campal, como din por estas latitudes, até que co rumbo errado no medio da noite, con brétema e un forte chuvasco, foi colidir finalmente cuns baixos situados fronte a entón aldea mariñeira de Arou, cando o reloxo de a bordo pasaba 9 minutos da medianoite do 3 de febreiro de 1897. Descubride de seguido o que este naufraxio nos legou…