O acceso á vivenda complícase na Galiza. A suba dos prezos dos inmóbeis e o encarecemento das hipotecas como consecuencia da suba do Euribor déixase notar con forza no mercado. Os fogares galegos destinaron o ano pasado 27,7% dos seus ingresos anuais ao pago do seu préstamo hipotecario.
As medidas aprobadas polo Consello de Ministros e Ministras para reducir a carga hipotecaria das familias dependerán da adhesión das entidades bancarias, que non teñen obriga de subscribilas.
A suba da inflación déixase notar de diversos modos na perda de poder adquisitivo. Unha destas expresións é a alza das hipotecas variábeis, que no pasado mes de setembro rexistraron unha suba sen parangón en toda a serie histórica desde que comezou a funcionar o euríbor en 1999.