Manuel Xestoso
26/xan./24 7:28
Cando a democracia se ve reducida aos seus aspectos formais menos operativos, cando os que toman as decisións son poderes que non responden ante a cidadanía e cando todo amago de disidencia ante este estado de cousas se criminaliza e se equipara cos maiores delitos, a desobediencia civil ten que formar parte da estratexia de resistencia ante a inxustiza. Así o cre Henrique del Bosque, que no seu novo libro analiza e reflexiona sobre varios aspectos desta forma de insurrección.