Goberno galego

O presidente da Xunta  da Galiza recoñece que nos contratos de emerxencia durante a pandemia da Covid houbo "cousas simplemente mellorábeis" mais négase a que o Parlamento galego investigue, tal e como demanda a oposición, eses contratos. Un proceso de contratación no que o Consello de Contas ve "falta de concorrencia e de publicidade" e Alfonso Rueda, porén, só ve aí "advertencias menores".

Alfonso Rueda valora un cambio do Goberno galego para o inicio da nova lexislatura (a XII), e que sería a cuarta mudanza no Executivo nos últimos catro anos, desde os comicios de 2020. Se ben o presidente en funcións quixo esquivar as preguntas sobre este tema, "nin confirmo nin desminto", si que admitiu que "nos vindeiros días" iranse sabendo "nomes e postos" do novo Goberno da Xunta da Galiza.